Jeremías 51:7 - Q'eqchi Bible

⁷ Babilonia chanchan jun sek' ooro naq xwank sa' wuq'; a'an xpo'ok re xna'leb' chixjunil li ruuchich'och': eb' li xninqal ru tenamit xe'ruk' li b'iin a'an ut xe'sachk xna'leb'eb'.

Li Santil hu

⁷ Li tenamit Babilonia chanchan jun li secꞌ oro saꞌ rukꞌ li Ka̱cuaꞌ nak quicuan ut chixjunil li tenamit quixcaltesiheb. Queꞌrucꞌ li vino li quixqꞌue reheb ut queꞌsach xnaꞌlebeb li xni̱nkal ru tenamit.

Jeremías 51:7 ပူးပေါင်းရင်းမြစ်များ

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Apocalipsis 17:4

Li ixq a'an tiqto rik'in t'ikr kaqmoqin ut kaqjorin xb'onol, nalemtz'unk ru rik'in oor, rik'in tertookil pek ut lemtz'il q'ol. Wank sa' ruq' jun li sek' oor nujenaq rik'in li xyiib'etalil ut xtz'ajnil li xmuxb'al rib';

Apocalipsis 18:3

Xb'aan naq chixjunileb' li tenamit xe'ruk' li xb'iinul ut xe'xb'aanu li maa'usilal rik'in; eb' li awab'ej re li ruuchich'och' xe'xmux rib'eb', ut eb' laj yakonel sa' ruuchich'och' xe'b'ihomo'k rik'in li xjo'maajo'il aj maa'usilal”.

Apocalipsis 17:2

Eb' li awab'ej re li ruuchich'och' ke'xmux rib'eb' rik'in, ut eb' li wankeb' sa' ruuchich'och' ke'kalaak rik'in li xb'iinul ut ke'xb'aanu li maa'usilal rik'in”.

Daniel 2:32

Li xjolom a'an tz'aqal chaab'il oor; eb' li xtel ut li re xch'ool a'an tz'aqal plaat; li ru xsa' ut li xyi rix a'an q'anch'iich';

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Daniel 2:38

A'an xk'ehok rub'el laawoq eb' li poyanam, eb' li ketomq jo'wi' eb' li xul neke'xik'ank chiru choxa, ut xxaqab' aawankil sa' xb'een chixjunil li ruuchich'och'. Laa'at li jolomej oor, at awab'ej.

Jeremías 50:38

Talaje'chaqiq chixjunileb' li nima' wankeb' aran, xb'aan naq Babilonia nujenaq chi jalanil yos ut k'ajo' naq xkoho xch'ooleb' chirixeb' a'an.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Isaías 14:4

teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Jeremías 13:13

Toja' naq taaye reheb': «Jo'ka'in xye li Qaawa': Ok we chi xb'ut'b'aleb' chi b'iin chixjunileb' li wankeb' sa' li tenamit a'in; eb' li awab'ej li neke'k'ojlaak sa' xk'ojarib'aal laj David, eb' laj tij, eb' li propeet ut chixjunileb' laj Jerusalén.

Ezequiel 23:42

Aran ki'ab'imank xyaab' xkuxeb' li yookeb' chi ninq'ehik; a'aneb' li winq ke'chalk chaq sa' li chaqich'och', yookeb' chi uk'ak b'iin ut neke'k'ehok xsahob' ru ruq'eb' li ixq ut neke'xk'ehatq chaab'il koroon chi xjolomeb'.