Jeremías 51:6 - Q'eqchi Bible

⁶ “Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Li Santil hu

⁶ Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Jeremías 51:6 ပူးပေါင်းရင်းမြစ်များ

Jeremías 50:8

“Elenqex chaq Babilonia sa' xyanqeb' laj Kaldeha! K'amolb'ehaqex chaq chiruheb' li yookeb' chi elelik!

Jeremías 50:28

Ab'ihomaqeb' li xe'elelik chaq Babilonia, yookeb' chi xyeeb'al resil sa' li tenamit Jerusalén naq li Qaawa' li qaYos xreeqaju li xsachik li xsantil ochoch.

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.

Jeremías 51:45

Ex intenamit, elenqex chaq Babilonia ut chejunjunqal kolomaq leeyu'am chiru li xnimal injosq'il!

Jeremías 25:14

Xb'aan naq eb' laj Babilonia te'wanq rub'el xwankileb' li xninqal ru tenamit ut eb' li awab'ej jwal kaweb' rib'. Ut laa'in tink'eheb' chi xtojb'al rix li xmaakeb' jo' chanru li xyehom ut xb'aanuhomeb'»”.

Números 16:26

Toja' naq ki'aatinak rik'ineb' li komonil ut kixye reheb': “B'aanuuq usilal, elenqex chi xk'atq li xmuheb'aaleb' a reemaaru aj winqeb' a'in. Maak'a' li k'aru reheb' teech'e'. Mare anchal texkamq xb'aan chixjunileb' li xmaakeb'”, chan.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

1 Timoteo 5:22

Maaseeb'a aawib' chi xk'eeb'al laawuq' sa' xb'een anihaq. Mattz'aqonk rik'in xmaak anihaq ut wanqat chi saq ru laach'ool.

Jeremías 51:50

Laa'ex li xexkole'k chiru li kamk, ayuqex sa' aanil chi ink'a' texhilanq; ut naq wanqex chik chi najt, jultikaq eere li Qaawa' ut wanq sa' leech'ool Jerusalén.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 51:9

Ak xqab'an Babilonia, ab'an ink'a' xk'iraak. Qakanab'aq ut li junjunq xikaq sa' li xtenamit, xb'aan naq li xmaa'usilal xwulak toj sa' choxa ut xnawmanje'k toj sa' xb'eeneb' li choql.

Jeremías 50:31

“At q'etq'et aj tenamit, yo injosq'il aawik'in; xwulak laakutankil ut xtaw xq'ehil naq taatoj rix laamaak.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Jeremías 46:10

A'anaq xkutankil li Nimajwal Yos, naq taa'eeqajunq sa' xb'eeneb' li xik' neke'ilok re. Li q'esnal ch'iich' taasachoq toj reetal taak'ojlaaq xch'ool ut toj taaruk' xkik'eleb' li xe't'ane'k. Xb'aan naq nimla kamsink tixb'aanu li Nimajwal Yos chire li nima' Éwfrates, sa' li na'ajej wank sa' xjayal releb'l iq'.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Jeremías 25:16

Naq te'ruk' li b'iin, te'xxa'wa rib' ut taakaano'q ruheb' xb'aan li raaxiik' tintaqla chaq sa' xb'eeneb'”.

Proverbios 13:20

Li narochb'eeniheb' li chaab'ileb' xna'leb', tixtaw xna'leb'; ab'an li nawank rik'ineb' li jip, taasachq chi junwaakaj.

Deuteronomio 32:43

“Ex tenamit, chexsaho'q eerochb'een li xtenamit li Yos, xb'aan naq A'an tixk'e reeqaj li xkik'eleb' laj k'anjel chiru, taa'eeqajunq sa' xb'eeneb' li xik' neke'ilok re, ab'an tixkuy xmaakeb' li xtenamit ut taarisi li maa'usilal sa' li xna'ajeb'”.

Deuteronomio 32:41

Naq tinji' re linlemtz'unkil ch'iich' ut tin'ok chi raqok aatin, tink'e reeqaj reheb' li xik' neke'ilok we; ut eb' li neke'tz'eqtaanank we tink'eheb' chi xtojb'al xmaakeb'.

Deuteronomio 32:25

Sa'eb' li b'e talaje'kamsiiq li ralal xk'ajol rik'in ch'iich', ut k'ajo'aq li xiwak sa' li rochocheb'. Jun kamikaqeb' chixjunileb', jo' saaj winq jo' saaj ixq, jo' k'uula'al jo' cheekel winq.

Isaías 63:4

A'in li xkutankil li raqok aatin li wank sa' inch'ool; xwulak xq'ehil li eeqajunk ut xkolb'al lintenamit.

Jeremías 48:6

Elenqex, kolomaq eerib', jo'kaqex li k'iche'il b'uur sa' li chaqich'och'!

Jeremías 51:36

Jo'kan utan li Qaawa' kixye chi jo'ka'in: “Laa'in tin'okenq chawix ut tink'e reeqaj li rahilal x'uxmank aawe. Tink'eheb' chi chaqik li nima' ut li yu'amha' re Babilonia,

Jeremías 51:56

Xchalk laj sachonel sa' xb'een Babilonia, ak xe'chape'k laj puub' ut xe'toqiik li xsimajeb'. Xb'aan naq li Qaawa' a'an jun Yos naq'ajkamunk ut naxk'e re li junjunq jo' chanru li xyehom xb'aanuhom.

Lamentaciones 3:64

At Qaawa', eeqajun sa' xb'eeneb' jo' chanru xk'ulub'eb'.

Salmos 94:1

Xaqlin, at Qaawa', laa'at aj eeqajunel, laa'at li Yos li nakaweeqajuni li ink'a' us.