Jeremías 51:53 - Q'eqchi Bible

⁵³ Us ta Babilonia tixnima chi us li xwankil ut taawulaq taraj toj sa' choxa li xsuttz'akil, laa'in tintaqlaheb' li te'juk'uq re”, chan li Qaawa'.

Li Santil hu

⁵³ Usta teꞌxyi̱b lix naꞌajeb chi najt xteram ut ta̱cuulak toj saꞌ choxa, abanan la̱in tintaklaheb laj sachonel chixsachbal, chan li Ka̱cuaꞌ.

Jeremías 51:53 ပူးပေါင်းရင်းမြစ်များ

Jeremías 49:16

Xatxb'alaq'i laaq'etq'etil, xb'aan naq xiwajel aawu naq xatwank. Laa'at wankat sa' xyanqeb' li saqoonak ut kaw aach'ool rik'ineb' li najt xteramil tzuul. Us ta taayiib' laamuheb'aal chi jwal najt xteram jo' li t'iw, toj aran ajwi' tatinkub'si chaq -chan li Qaawa'-.

Génesis 11:4

Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.

Jeremías 51:25

Relik chi yaal naq yo injosq'il sa' aab'een, at xnimal ru tzuul aj juk'unel, li nakasach chixjunil li ruuchich'och' -chan li Qaawa'-. Twisi linjosq'il sa' aab'een, tatinjukuki sa' xb'eeneb' li saqoonak ut chanchanaqat chik li choqlenb'il k'iche' tatinkanab'.

Amós 9:4

Wi te'xik chi preexil sa' najtil tenamit xb'aaneb' li xik' neke'ilok reheb', tintaqla xkamsinkileb' rik'in q'esnal ch'iich'; ut junelik wanq li wilob'aal chi rilb'aleb' re xsachb'aleb', maawa' re rusilankileb'”.

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Jeremías 51:58

“Li xsuttz'akil Babilonia li jwal nim ru taajuk'manq chi junajwa, ut te'k'ate'q eb' li xtz'apb'al li rokeb'aal li tenamit. Maak'a' rajb'al naq xe'k'anjelak eb' li xninqal ru tenamit, xb'aan naq li k'aru xe'xtawasi wi' rib', yal xam toxraqe'q wi'”, chan li Nimajwal Yos.

Jeremías 51:48

Li choxach'och' ut jo'ch'inal jo'nimal li wank chisa' k'ajo' naq te'saho'q naq taajuk'e'q Babilonia ut tole'elq chaq laj sachonel sa' xjayal releb'l iq' -chan li Qaawa'-.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 50:45

Ab'ihomaq li k'aru tinb'aanu reheb' laj Babilonia, chek'e reetal li k'aru xink'uub' xb'aanunkil reheb' laj Kaldeha: jukunb'il naq te'isiiq li kok'al sa' li tenamit a'an jo'qeb' li ral li karneer, ut te'oso'q rochb'een li raxpim neke'tzekank wi'.

Jeremías 50:25

Li Qaawa' xte li xk'uuleb'aal ut xrisi chaq li taak'anjelaq re risinkil li xjosq'il, xb'aan naq li Nimajwal Yos wank xk'anjel sa' xyanqeb' laj Kaldeha.

Jeremías 50:21

“Ayuqex chi yalok sa' xteepal Meratáhin ut rik'ineb' li wankeb' Pekod. Kamsihomaqeb' rik'in q'esnal ch'iich' ut sachomaq ruheb' toj reetal maajun chik tkanaaq. B'aanuhomaq chi tz'aqal re ru li xexintaqla wi'”, chan li Qaawa'.

Isaías 47:7

Xaye ajwi' sa' laach'ool: «Taawanq inwankil chi junwaakaj». Ab'anan ink'a' xak'oxla rix a'an chi moko xnume'k sa' laawaanm k'aru toxraqe'q wi'.

Isaías 47:5

“K'ojlan chi maak'a' eek'ank, okan sa' li aak'ab', at xrab'in eb' laj Kaldeha, xb'aan naq ink'a' chik taayeemanq aawe: «Xna'eb' li tenamit».

Isaías 41:25

Xinsik' chaq ru sa' xjayal releb'l iq', ut yo chaq chi chalk; sa' xjayal releb'l li saq'e xinb'oq chaq rik'in li xk'ab'a'. A'an tixyeq'iheb' sa' roq eb' li awab'ej jo' li sulul, jo' naxb'aanu laj pak'onel naq naxyoq'le li seb' sa' roq.

Isaías 13:17

Tinchiq' xjosq'ileb' laj Media chi yalok rik'ineb'; eb' a'an ink'a' naxik xch'ooleb' chirix li tumin chi moko neke'xrahi ru li oor.

Li xHu LAJ JOB 20:6

Us ta q'axal najtaq xteram ut toxtaw ta li choql rik'in li xjolom,

Jeremías 51:56

Xchalk laj sachonel sa' xb'een Babilonia, ak xe'chape'k laj puub' ut xe'toqiik li xsimajeb'. Xb'aan naq li Qaawa' a'an jun Yos naq'ajkamunk ut naxk'e re li junjunq jo' chanru li xyehom xb'aanuhom.

Amós 9:2

Us ta toxe'xmuq rib' sa' xna'ajeb' li kamenaq, toj aran ajwi' twisiheb' chaq; wi ta te'taqe'q toj sa' xb'een li choxa, tinkub'siheb' ajwi' chaq aran.

Habacuc 2:9

Ra chaalel sa' aab'een li xanujob'resi laawochoch rik'in li xawelq'a re raj xkolb'al aawib' chiru chixjunileb' li raaxiik'!