Jeremías 51:50 - Q'eqchi Bible

⁵⁰ Laa'ex li xexkole'k chiru li kamk, ayuqex sa' aanil chi ink'a' texhilanq; ut naq wanqex chik chi najt, jultikaq eere li Qaawa' ut wanq sa' leech'ool Jerusalén.

Li Santil hu

⁵⁰ La̱ex li joꞌ qꞌuialex xexcoleꞌ saꞌ li ple̱t, me̱xakab e̱rib. Usta najt cuanquex, checꞌoxla li Dios ut checꞌoxla ajcuiꞌ li tenamit Jerusalén.

Jeremías 51:50 ပူးပေါင်းရင်းမြစ်များ

Jeremías 44:28

Ka'ajeb' wi' wiib' oxib' li te'kole'q sa' li raaxiik'; te'elq Ejiipt ut te'sutq'iiq wi' chik Judá. Toja' naq chixjunileb' laj Judá li ke'chalk chi na'ajunk Ejiipt, te'xnaw ani aj aatin xtz'aqlok ru, ma a' li waatin laa'in, malaj li raatineb' a'an.

Salmos 122:6

Chetz'aama tuqtuukilal cho'q re Jerusalén: “Chiwanq taxaq tuqtuukilal aawik'in, at Jerusalén! Che'wanq taxaq sa' sahilal eb' li neke'rahok aawe.

Apocalipsis 18:4

Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

Jeremías 51:45

Ex intenamit, elenqex chaq Babilonia ut chejunjunqal kolomaq leeyu'am chiru li xnimal injosq'il!

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Jeremías 50:8

“Elenqex chaq Babilonia sa' xyanqeb' laj Kaldeha! K'amolb'ehaqex chaq chiruheb' li yookeb' chi elelik!

Jeremías 31:21

“At Israel, k'e reetalil laab'e re naq sa' junpaat taataw; jultikaq aawe, k'e reetal chi us li b'e xatnume'k wi'. Sutq'in chaq, a Israel, kim wi' chik sa'eb' laatenamit, sa' laana'aj a'in.

Isaías 52:2

Waklin, at Jerusalén, chiq' li pojtz' chawix; isi aawib' sa' li rahilal, at Sión, li wankat chi preexil.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Ezequiel 6:9

Eb' li te'kole'q tinjultiko'q reheb' sa'eb' li tenamit xe'k'ame'k wi'. Te'jultiko'q reheb' chanru naq xinrahob'tesiheb' xb'aan naq xe'xmux li xpaab'aaleb' ut xkoheb' xch'ool chirixeb' li jalanil yos. Eb' a'an te'xyib' rib' xb'aan li k'iila maa'usilal xe'xb'aanu jo'wi' xb'aan li jo'maajo'il b'aanuhem.

Daniel 6:11

Eb' li reemaaru aj winq ke'wulak sa' rochoch laj Daniel chi maak'a' sa' xch'ool ut koxe'xtaw chi tijok ut chi elajink chiru li xYos.