Jeremías 51:43 - Q'eqchi Bible

⁴³ Nakirirnak xe'kanaak eb' li xtenamit, chanchaneb' aj chik li joxk' ch'och'; maajun chik poyanam wank chisa' chi moko nanume'k aran.

Li Santil hu

⁴³ Ma̱cꞌaꞌ chic ta̱cana̱k saꞌ eb li tenamit li cuanqueb Babilonia. Ma̱ ani chic teꞌcua̱nk aran ut ma̱ ani chic teꞌnumekꞌ saꞌ li naꞌajej aꞌan.

Jeremías 51:43 ပူးပေါင်းရင်းမြစ်များ

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Isaías 13:20

Maajoq'e chik toxtenamito'q a'an, maajun chik tixtaw xch'ool kanaak aran. Ink'a' chik toxe'hilanq eb' laj Arabia sa' li na'ajej a'an, chi moko eb' laj ilol ketomq te'xk'eheb' li xkarneer chi ichajib'k aran.

Jeremías 51:29

Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Jeremías 51:37

ut li tenamit a'an taakanaaq jo' jun tuub' chi pek, cho'q xna'ajeb' laj xojb', tz'eqtaananb'ilaq ut xiwajelaq rilb'al; ut maajunaq poyanam taawanq chisa'.

Jeremías 50:12

Q'axal xutaanal xkanaak Babilonia, sachso xna'leb' li na'ajej xexyo'laak wi'. A'an chik li jwal kach'in xwankil sa' xyanqeb' chixjunil li tenamit, xkanaak chi po'lemil, jo' jun chaqich'och' li maajun chik wank chisa'.

Salmos 46:8

Qik'in wank li Qaawa', li Nimajwal Yos, li xYos laj Jakob a'an laj kolol qe.

Isaías 47:11

Jo'kan naq taachalq sa' aab'een jun rahilal chi ink'a' tatruuq chi xkolb'al aawib' chiru; q'axal ra taak'ul ut maak'a' xja'lenkil. Chi junpaat taachaalunq jun raaxiik' sa' aab'een li ink'a' nakawoyb'eni.

Jeremías 51:62

Chirix chik a'an taaye chi jo'ka'in: «At Qaawa', laa'at xaye naq taajuk' li tenamit a'in, toj reetal naq maajun chik twanq chisa', chi moko junaq poyanam chi moko junaq xul, xb'aan naq joxk' taakanab' li na'ajej a'in chi junwaakaj».

Isaías 34:13

Pajl taak'iiq sa'eb' li xchaq'alil ru ochoch re Edom; warak'ix ut k'aamla te'yo'laaq sa'eb' li kawub'resinb'il ochoch. A'anaq chik xna'ajeb' laj xojb' ut rochocheb' laj tak' ra'.

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.