Jeremías 51:32 - Q'eqchi Bible

³² Wankatqeb' laj xik'il uuchinel chireheb' li nima', xe'k'atmank eb' li kawub'resinb'il ochoch ut k'ajo' xxiweb' laj puub'.

Li Santil hu

³² Eb li xicꞌ nequeꞌiloc reheb xeꞌxchap li naꞌajej li nequeꞌnumeꞌ cuiꞌ jun pacꞌal li nimaꞌ ut yo̱queb chixcꞌatbaleb li naꞌajej li nequeꞌxcol cuiꞌ ribeb laj Babilonia. Ut chixjunileb li soldado aj Babilonia queꞌsach xchꞌo̱leb xban xxiuheb.

Jeremías 51:32 ပူးပေါင်းရင်းမြစ်များ

Jeremías 51:30

Eb' laj puub' aj Babilonia xe'xkanab' li yalok ut xe'xtz'ap rib' sa'eb' li kawub'resinb'il ochoch; xe'lub'kje'k, ut jo'eb' aj chik li ixq anaqwan. Xe'k'ate'k li rochocheb' ut xe'weqmank eb' li okeb'aal.

Isaías 44:27

Laa'in wank inwankil chi xyeeb'al re li palaw: «Chatchaqiq! Maak'a'aq chik ha' sa' laachamal!».

Isaías 47:14

K'e reetal, kama'eb' li k'im naq te'oso'q chixjunileb'; li xam taasachoq reheb', ut ink'a' te'ruhanq chi xkolb'aleb' rib' chiru xtiqwal li xam. Xb'aan naq a'an maawa' xam re k'uub'ank tzekemq chi moko ru xam naruuk wi' q'ixink.

Jeremías 51:31

Riiqajeb' wi' rib' eb' laj taql chi yehok esil, re xyeeb'al re li awab'ej re Babilonia naq ak xchapmank chixjunil li xtenamit.

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.

Jeremías 52:7

Toja' naq ke'xhop li suttz'ak ut, us ta sutsu chi us li tenamit xb'aaneb' laj Kaldeha, ki'elelik li awab'ej chiru li q'oqyink rochb'een chixjunileb' laj puub'. Ke'elk sa' xyanqeb' li xsuttz'akil li tenamit, koheb' sa' li xna'aj rawimq li awab'ej ut ke'xchap xb'e re xik Arabá.