Jeremías 51:21 - Q'eqchi Bible

²¹ Wochb'eenat naq xinkamsiheb' li kawaay ut eb' li neke'b'eek chirixeb'; xinputz'iheb' li b'eleb'aal ch'iich' jo'wi' eb' li neke'b'eresink reheb'.

Li Santil hu

²¹ La̱ex texcꞌanjelak chicuu re xsachbaleb li cacua̱y ut eb li soldado li nequeꞌxic chirixeb. La̱ex texsachok reheb li carruajes ut laj chꞌeꞌol reheb.

Jeremías 51:21 ပူးပေါင်းရင်းမြစ်များ

Éxodo 15:1

Toja' naq laj Moisés ut eb' laj Israel ke'xb'icha li b'ich a'in re li Qaawa'; ke'xye: “Tinb'ichanq chiru li Qaawa' xb'aan naq q'axal nim xwankil: kixkuteb' sa' palaw li kawaay ut eb' li b'eleb'aal ch'iich'.

Zacarías 10:5

Jo'kaqeb' laj puub' li neke'xyeq'i li sulul sa' li yalok; te'yaloq xb'aan naq li Qaawa' na'ochb'eenink reheb', ut te'xkanab' sa' xutaan eb' li neke'b'eek chirix kawaay.

Zacarías 12:4

Toja' naq tinxib'esiheb' chixjunileb' li kawaay ut tinkaanob'resi ruheb' li wankeb' chirixeb' -chan li Qaawa'-. Ab'anan eb' li ralal xk'ajol laj Judá twusilaheb', ut mutz' tinkanab'eb' chixjunil li xkawaayeb' li junch'ol chik.

Hageo 2:22

Tinjuk' li xwankileb' li neke'awab'ejink re li ruuchich'och' ut twisiheb' li awab'ej sa' li xna'ajeb'; tinpak'lusiheb' li b'eleb'aal ch'iich' re yalok ut eb' li wankeb' chisa'. Te'kamsije'q eb' li kawaay ut eb' li winq; li junjunq taakamsiiq chi q'esnal ch'iich' xb'aan li ras riitz'in.

Nahum 2:13

Jo'ka'in xye li Nimajwal Yos: “Xinchalk chajuk'b'al. Tink'ateb' laab'eleb'aal ch'iich' ut sib' aj chik teb'inkanab' wi'. Tinsach ruheb' laawalal aak'ajol, twisi sa' laatenamit chixjunil laawelq'ahom ut ink'a' chik taa'ab'imanq xyaab' xkux laj yehol esil”.

Miqueas 5:10

Xyehom li Qaawa': “Sa' li kutan a'an tinkamsiheb' laakawaay ut tinjuk'eb' laab'eleb'aal ch'iich'.

Apocalipsis 19:18

re naq teetiw xtib'eleb' li awab'ej, xtib'eleb' li xjolomileb' laj puub' ut eb' li kaweb' rib', li xtib'eleb' li kawaay ut li k'ojk'ookeb' sa' xb'eeneb', xtib'eleb' chixjunileb' li winq jo' li wankeb' chi ach'ab'anb'il jo'eb' laj loq'b'il k'anjel, jo' kok' jo' ninq”.

Salmos 46:9

Kimqex chi rilb'al li xb'aanuhom li Qaawa', cheka'ya li sachb'ach'oolej xb'aanu sa' ruuchich'och'.

Ezequiel 39:20

Tinkawresi jun li nimla ninq'e re naq te'nujaq rik'in xtib'eleb' li kawaay ut eb' li winq, eb' laj puub' jo'wi' chixjunileb' li kaweb' rib', toj reetal te'k'ojlaaq xch'ool. Laa'in, li Qaawa', xinyehok re a'in.

Jeremías 50:37

Kamsihomaqeb' li kawaay ut juk'umaqeb' li b'eleb'aal ch'iich'; chisachmanq ruheb' li tojb'ileb' chi yalok ut che'yopirq jo'eb' li ixq. Chiweqmanq ut chi'elq'aaq li xb'ihomaleb'.

Salmos 76:6

Warenaqeb' li jwal kaweb' rib', ut xmaq'mank chiruheb' chixjunileb' li k'anjelob'aal re yalok; jo'k'ihaleb' li wankeb' xwankil moq'mo xe'kanaak.

Éxodo 15:21

Ut lix Miriam kixsume li b'ich chi kama'in: “B'ichanqex chiru li Qaawa', xb'aan naq jwal nim xwankil: kixkuteb' sa' palaw li kawaay ut eb' li b'eleb'aal ch'iich'”.

Éxodo 15:4

“Kixkuteb' sa' palaw li xb'eleb'aal ch'iich' laj Parahón jo' ajwi' eb' laj puub'. Ut eb' li jwal kaweb' rib' sa' xyanqeb' laj puub' ke'sub'e'k sa' li Kaqi Palaw.

Isaías 43:17

Kixk'eheb' chi yalok k'iila aj puub' q'axal kaweb' rib', rochb'eeneb' li b'eleb'aal ch'iich' ut eb' li kawaay, yal re xsachb'al ruheb': junxikikeb' chi kamk. Ke't'ane'k ut maajun chik kiwakliik; ke'oso'k jo' naq nachupk li saqenk. Jo'ka'in naxye anaqwan: