Jeremías 51:18 - Q'eqchi Bible

¹⁸ Maak'a' xyaalal ut xk'ulub'eb' li tz'eqtaanaak; relik chi yaal naq te'oso'q sa' xkutankil li raqb'a aatin.

Li Santil hu

¹⁸ Ma̱cꞌaꞌ nequeꞌoc cuiꞌ ut xcꞌulubeb nak teꞌhobekꞌ. Teꞌsachekꞌ ruheb nak li Ka̱cuaꞌ ta̱cha̱lk chi rakoc a̱tin.

Jeremías 51:18 ပူးပေါင်းရင်းမြစ်များ

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jonás 2:8

Eb' li neke'loq'onink eb' li yal k'oxlanb'il yos, moko tiikeb' ta xch'ool chawix.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Jeremías 48:7

“At Mohab, laa'at xak'ojob' laach'ool rik'in laab'ihomal ut laab'aanuhom, ab'anan tat-eechaniiq ajwi' laa'at. Laj Kamós, laayos, taak'ame'q chi preexil rochb'eeneb' laj tij ut li xninqaleb' ru winq.

Jeremías 46:25

Jo'ka'in kixye li Nimajwal Yos, li xYos laj Israel: “Tink'e chi xtojb'al xmaak laj Amón, li xyos li tenamit Tebas; tinrahob'tesi ajwi' eb' laj Ejiipt rochb'eeneb' li xyos ut eb' li awab'ej, jo'wi' laj Parahón ut eb' li neke'xk'ojob' xch'ooleb' chirix.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Isaías 46:1

Li yos Bel ut li yos Nebo neke'tuuyank ut xe't'ane'k chiru ch'och'. Eb' li yos a'in neke'iiqaak xb'aaneb' li b'uur; k'amb'ileb' jo'eb' li iiq chirixeb' li tawajenaqeb' xul.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Jeremías 10:14

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aaneb' li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

Isaías 57:12

A'ut anaqwan tink'e chi kutankil laab'aanuhom jo'wi' laana'leb' li maak'a' na'ok wi'.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Ezequiel 6:6

Yalaq b'ar wanqex, eb' leetenamit ut eb' leetijob'aal te'juk'manq ut joxk' te'kanaaq. Eb' li artal te'kanaaq chi po'lemil ut eb' li jalanil yos te'toqiiq; taaputz'iiq eb' li xjalam u li jalanil yos, ut nakirirnak taakanaaq eb' li na'ajej nekek'at wi' leepom. Jo'ch'inal jo'nimal xeyiib' rik'in leeruq', taasachmanq chi junajwa.