Jeremías 51:15 - Q'eqchi Bible

¹⁵ Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in li xseeb'al xk'a'uxl ut kixhel ru li choxa rik'in li xnimal xnawom.

Li Santil hu

¹⁵ Li Ka̱cuaꞌ quixyi̱b li ruchichꞌochꞌ riqꞌuin lix cuanquil. Quixxakab saꞌ xnaꞌaj riqꞌuin lix naꞌleb ut quixyi̱b li choxa.

Jeremías 51:15 ပူးပေါင်းရင်းမြစ်များ

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Romanos 1:20

Chalen chaq sa' xk'ojlajik li ruuchich'och' li k'a'aq re ru ink'a' ilb'il ru re li Yos, a' li xjunelik wankil ut li xYosilal, nak'utunk chiruheb' li neke'k'oxlak chirixeb' li xb'aanuhom. Jo'kan naq maak'a' k'aru te'xkol wi' rib',

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Proverbios 3:19

Li Qaawa' kixk'ojob' li ruuchich'och' rik'in xnimal k'a'uxl; kixkupub' li choxa rik'in li xseeb'al xch'ool.

Li xHu LAJ JOB 9:8

Rik'in xnimal xwankil kixhel li choxa ut kixch'anab' eb' li xkawil oq li palaw.

Romanos 11:33

Makach'in naxik wi' xchamal xb'ihomal li Yos! K'ajo' xnimal li xna'leb' ut li xk'a'uxl! Relik chi yaal naq maa'ani naru xtawb'al ru li rajom chi moko xyaalal li xk'a'uxl!

Isaías 45:12

Laa'in kinyiib'ank re li ruuchich'och' ut kinyoob'tesiheb' li poyanam li wankeb' chisa'. Laa'in kinhelok re li choxa rik'ineb' li wuq' ut nintaqlank sa' xb'een chixjunileb' li chahim.

Isaías 44:24

Jo'ka'in kixye li Qaawa' laj Kolol aawe, li kisiyank chaq aawe naq toj maji' nakatyo'laak: “Laa'in li Qaawa', laa'in kinyoob'tesink re chixjunil, injunes kinhel ru li choxa ut kink'ojob' li ruuchich'och' sa' xna'aj.

Isaías 42:5

Jo'ka'in kixye li Qaawa' li kiyoob'tesink ut kihelok re li choxa, li kik'uub'ank re li ruuchich'och' jo'wi' li wank chiru, li kik'ehok xyu'am eb' li poyanam ut kixyoob'tesi chixjunileb' li wankeb' arin:

Isaías 40:26

Taqsihomaq leerilob'aal sa' choxa ut ilomaq: ani xk'uub'ank re chixjunil a'an? A' li najek'ink reheb' li chahim chi tzol sa' xna'aj ut naxb'oqeb' li junjunq rik'in xk'ab'a'. Q'axal nim xwankil ut k'ajo' li xkawilal, ut maajun reheb' naxmuq rib' chiru.

Isaías 40:22

K'ojk'o chaq li Yos sa' xb'een li ruuchich'och', ut eb' li poyanam li wankatqeb' chisa' kama'eb' laj saak'. A'an xhelok re li choxa jo' junaq t'ilkem, ut xkupu ru jo' junaq muheb'aal re hilank chisa'.

Salmos 136:5

Kixk'uub' li choxa rik'in xnimal xk'a'uxl, li xnimal xrahom wank chi junelik!

Salmos 104:2

ut sutsuukat xb'aan li kutan saqenk. Kahel li choxa kama' nahelmank junaq t'ikr,

Hechos 17:24

“Li Yos li kiyiib'ank re li ruuchich'och' ut chixjunil li wank chisa', a'an ajwi' laj eechal re li choxach'och'. Ut a'an ink'a' nahilank sa' ochoch yiib'anb'il rik'in uq'ej,

Isaías 51:13

K'a'ut naq nakatz'eq chirix laach'ool li Qaawa', laj yoob'tesihom aawe, li kihelok re li choxa ut kixk'ojob' li ruuchich'och'? K'a'ut naq nakanumsi li kutan chi xxiwankil ru laj rahob'tesinel, li junelik naxyal xq'e chasachb'al? Ab'anan, b'ar wank anaqwan li xjosq'il laj rahob'tesinel?

Isaías 48:13

Rik'in li wuq' kink'ojob' li ruuchich'och' sa' xna'aj ut kinhel ru li choxa: ka'ajwi' kinb'oqeb', junchalikeb' naq ke'chalk wik'in.

Salmos 107:25

Ki'aatinak, ut kichalk jun kawil iq' li kixwaklesi li xkaw oq li palaw.

Salmos 104:24

K'ajo' xk'ihal laab'aanuhom, at Qaawa'! Xab'aanu chixjunil rik'in xnimal aana'leb'; nujenaq li ruuchich'och' rik'in chixjunil laayoob'tesihom!

Jeremías 27:5

Rik'in xnimal linwankil ut linmetz'ew kink'uub' li ruuchich'och', jo'wi' eb' li poyanam ut li xul li wankeb' chisa', ut laa'in yaal we k'aru tinb'aanu rik'in chixjunil a'an: naru tink'e sa' ruq' li ani xk'ulub'a wi' linch'ool.

Zacarías 12:1

A'an a'in li raatin li Yos chirix li tenamit Israel. Li Qaawa', li kihelok re li choxa ut kik'ojob'ank re li ruuchich'och' sa' xna'aj, li kik'ehok xyu'am li winq ut li ixq, a'an kixye chi jo'ka'in: