Jeremías 51:14 - Q'eqchi Bible

¹⁴ Li Nimajwal Yos xyehom xjurament sa' xk'ab'a' li xloq'al: “Tintaqlaheb' chaq k'iila aj puub' chi yalok aawik'in, jo'kaq xk'ihaleb' laj saak', ut eb' a'an k'ajo' naq te'b'ichanq naq te'xq'ax aawu”.

Li Santil hu

¹⁴ Li Ka̱cuaꞌ li nimajcual Dios quixba̱nu li juramento saꞌ xcꞌabaꞌ aꞌan ut quixye nak tixtakla li qꞌuila soldado chi pletic e̱riqꞌuin la̱ex aj Babilonia. Chanchanakeb laj sa̱cꞌ nak teꞌcha̱lk xban xqꞌuialeb. Ut japjo̱k reheb nak teꞌnumta̱k saꞌ e̱be̱n.

Jeremías 51:14 ပူးပေါင်းရင်းမြစ်များ

Amós 6:8

Li Qaawa' kixye li raatin; li Nimajwal Yos kixye chi jo'ka'in: “Xik' nawil li xq'etq'etileb' li ralal xk'ajol laj Jakob; nintz'eqtaanaheb' li xchaq'alil ru ochoch; ut tinq'axtesi chixjunil li tenamit sa' ruq'eb' li xik' neke'ilok reheb'”.

Joel 2:25

“Laa'in tink'e reeqaj leerawimq li xmaak'a'ok eere chiruheb' li chihab' naq xsache'k xb'aaneb' li k'iila motzo', laj saak', li chili' ut li raxq'een, naq xintaqlaheb' cherahob'tesinkil -chan li Yos-.

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.

Jeremías 49:13

Xb'aan naq xinye injurament naq li tenamit Bosrá taasache'q ru, tz'eqtaananb'ilaq ut majewanb'ilaq; ut nakirirnak te'kanaaq chixjunileb' li xtenamitul chi junwaakaj”.

Hebreos 6:13

Maa'ani junaq nim xwankil chiru li Yos. Jo'kan naq sa' li kutan naq li Yos kixyeechi'i rosob'tesinkil laj Abrahán, kixpatz' xk'ab'a' xjunes rib',

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Jeremías 46:23

Te'xsaj li xk'iche'il li tenamit Ejiipt li k'ajo' xk'ihaleb' li che' -chan li Qaawa'-. K'ajo'aqeb' laj sachonel, q'axal naab'alaqeb' chiruheb' laj saak', ut ink'a' naru rajlankileb'.

Jueces 6:5

K'ajo'eb' xk'ihal laj Madián ut eb' li xkameey, chanchaneb' laj saak'! Rochb'eeneb' li xketomq ut li xmuheb'aaleb' neke'chalk sa' xb'eeneb' laj Israel, neke'okje'k sa' li xna'ajeb' ut neke'xsach ru chixjunil.

Salmos 105:34

Ki'aatinak, ut ke'chalje'k laj saak' ut eb' laj raxq'een chi ink'a' naru rajlankileb':

Jeremías 44:26

Ab'anan ab'ihomaq li raatin li Qaawa', chejunilex laa'ex aj Judá li wankex Ejiipt: Laa'in, li Nimajwal Yos, ninye eere chi tz'aqal yaal naq maajun wa chik taapatz'manq link'ab'a' arin xb'aan junaq aj Judá; maajun chik tixye sa' xsutam Ejiipt: Sa' xk'ab'a' li Qaawa'!, cha'aq.