Jeremías 50:6 - Q'eqchi Bible

⁶ “Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

Li Santil hu

⁶ Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

Jeremías 50:6 ပူးပေါင်းရင်းမြစ်များ

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

San Mateo 9:36

Naq kirileb' li k'iila tenamit, kixtoq'ob'a ruheb' xb'aan naq ch'i'ch'i'inb'ileb' ut cha'chookeb', jo'keb' li karneer maak'a' aj ilol reheb'.

San Mateo 10:6

Us b'an texxik rik'ineb' li karneer sachenaqeb' sa' li tenamit Israel.

Ezequiel 34:14

Tinch'oolaniheb' wan wi' li chaab'il pim, sa'atqeb' li tzuul re Israel; aran te'hilanq sa' chaab'il na'ajej ut te'ichajib'q chi us chiruheb' li tzuul re Israel.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Salmos 119:176

Jo' junaq karneer xinsachk chawu. Kim chinsik'b'al: laa'in aj k'anjel chawu. Ink'a' nasachk sa' li waanm laachaq'rab'.

Jeremías 50:19

Israel taasutq'iiq chaq wi' chik sa' li xch'och', ut chanchan junaq karneer sa taatzekanq aran Karmeel ut Basán, jo'wi' sa'atqeb' li k'iche' re Efraín ut Galahad, toj reetal taak'ojlaaq xch'ool.

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Salmos 116:7

K'ojk'o li waanm anaqwan xb'aan naq li Qaawa' xrusila wu.

Salmos 91:1

Laa'at li nakathilank rub'el xwankil li Qaawa' ut nakatmuhenk rub'el xkupuhom li Nimajwal Yos,

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

San Mateo 15:24

Kixye li Jesus: —Maab'ar taqlanb'ilin chaq, ka'ajwi' rik'ineb' li karneer sachenaq, a'eb' laj Israel.

Jeremías 10:21

Eb' laj k'aak'alehom re li tenamit a'in xe'jipo'k ut ink'a' xe'xsik' li Qaawa'. Jo'kan naq ink'a' us neke'elk sa' xk'anjeleb' ut chixjunileb' li ketomq xe'cha'cha'iik yalaq b'ar.

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

Salmos 90:1

Xtij laj Moisés, laj k'anjel chiru li Yos. At Qaawa', chalen chaq sa' xtiklajik laa'at li qochoch chi junelik.

Salmos 32:7

Laa'at li xkolb'al wib', laj tenq'ahom we sa' li rahilal: wankat chinsutam re intenq'ankil.

Salmos 23:2

Nikinxk'e chi hilank sa' raxil pach'aya', nikinxk'am b'arwi' wank li tuqtuukil ru ha':

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Jeremías 23:1

“Ra chaalel sa' xb'eeneb' li neke'kanab'ank chi sachk ut chi cha'cha'inb'ileb' linkarneer”, chan li Qaawa'.

Jeremías 33:12

Li Nimajwal Yos kixye chi jo'ka'in: “Sa' li na'ajej a'in li maak'a'eb' wi' li poyanam ut eb' li xul, sa'atqeb' chixjunil li tenamit, taawanq wi' chik li pim b'arwi' eb' laj ilol ketomq te'xk'am li xketomqeb'.

Ezequiel 13:10

“Eb' li propeet a'an xe'xb'alaq'i lintenamit rik'in xyeeb'al: «Wankex sa' tuqtuukilal», chankeb', ab'anan moko yaal ta. Lintenamit neke'waklesink tz'ak ut eb' a'an yal rik'in chun neke'xletz.

Ezequiel 34:15

Laa'in ajwi' tinb'eresinq reheb' linkarneer ut teb'ink'am chi hilank -chan li Qaawa'-.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Isaías 1:3

Li b'ooyx naxnaw ru laj eechal re, ut li b'uur naxnaw b'ar nachalk li xtzekemq. A'ut laj Israel maak'a' naxnaw, maak'a' xna'leb' lintenamit”.