Jeremías 50:5 - Q'eqchi Bible

⁵ Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Li Santil hu

⁵ Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Jeremías 50:5 ပူးပေါင်းရင်းမြစ်များ

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

2 Corintios 8:5

Ut moko ka'aj ta wi' xe'xb'aanu jo' chanru naq xqak'oxla laa'o, xe'xq'axtesi aj b'an wi' rib'eb' xb'enwa chiru li Qaawa' ut moqon chiqu laa'o sa' xk'ab'a' li Yos.

Hechos 11:23

Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Salmos 84:7

Naq toxe'nume'q sa' li Taq'a re li Yaab'ak, te'xsutq'isi li na'ajej cho'q yu'amha', ut li xtiklajik li hab'alq'e k'ajo'aq li rosob'tesihom sa' xb'een.

1 Reyes 19:14

Kichaq'ok ut kixye: “K'ajo' naq naxamnak linch'ool rik'in aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet. Ka'ajin aj chik xinkanaak ut te'raj ajwi' inkamsinkil”.

1 Reyes 19:10

“K'ajo' naq naxamnak linch'ool xb'aan aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet! Ka'ajin aj chik xinkanaak, ut te'raj ajwi' inkamsinkil”, chan laj Elías.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Jeremías 31:6

Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Jeremías 31:21

“At Israel, k'e reetalil laab'e re naq sa' junpaat taataw; jultikaq aawe, k'e reetal chi us li b'e xatnume'k wi'. Sutq'in chaq, a Israel, kim wi' chik sa'eb' laatenamit, sa' laana'aj a'in.

Ezequiel 16:61

Toja' naq taajultiko'q aawe laamaa'usilal ut tatxutaanaq xb'aan, naq taak'uleb' aawik'in laachaq'na' ut laawiitz'in, ut tink'eheb' aawe jo'eb' aako', us ta a'an moko sa' xk'ab'a' ta linsumwank.

Ezequiel 37:22

Junaj aj chik chi tenamit te'kanaaq wi' sa' li na'ajej a'in, sa' xteepal Israel, ut jun ajwi' chi awab'ej taa'awab'ejinq reheb' chixjunileb'. Moko wiib'aqeb' ta chik chi awab'ejihom naq wanqeb' chi moko jachjooqeb' chik chirib'ileb' rib'.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.