Jeremías 50:44 - Q'eqchi Bible

⁴⁴ “Relik chi yaal naq tinchalq chi junpaat: jo' junaq kaqkoj li na'elk chaq sa' li k'iche' chire li nima' Jordán ut naxik sa' li raxal pim chiru taq'a, jo'kan naq tink'eheb' chi elelik eb' laj Babilonia ut aran tinxaqab' cho'q aj k'amol b'e li ani tixk'ul linch'ool. Xb'aan naq ani chik junaq kama' laa'in? Ani junaq awab'ej taawanq chi xaqxo chiwu?

Li Santil hu

⁴⁴ La̱in tincuisiheb laj Babilonia saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Jeremías 50:44 ပူးပေါင်းရင်းမြစ်များ

Isaías 46:11

Sa' xjayal releb'l saq'e xinb'oq chaq jun li winq, li taachalq chaq sa' jun najtil tenamit jo' li t'iw ut tixb'aanu chixjunil li wajom. Ak jo'kan xinye, ut jo'kan tinb'aanu; kama'an xink'uub', ut jo'kan naq taa'uxmanq.

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.

Isaías 43:10

Laa'ex lintestiiw -chan li Qaawa'-; laa'ex aj k'anjelex chiwu ut insik'om chaq eeru re naq teenaw wu ut k'ojk'ooq leech'ool wik'in, ut teetaw xyaalal anihin laa'in. Maak'a' chik junaq yos chiwu laa'in, chi moko taawanq junaq chik moqon chiwix.

Isaías 41:25

Xinsik' chaq ru sa' xjayal releb'l iq', ut yo chaq chi chalk; sa' xjayal releb'l li saq'e xinb'oq chaq rik'in li xk'ab'a'. A'an tixyeq'iheb' sa' roq eb' li awab'ej jo' li sulul, jo' naxb'aanu laj pak'onel naq naxyoq'le li seb' sa' roq.

Isaías 40:25

“Ani ut nikineejuntaq'eeta wi' laa'ex malaj ani juntaq'eet wik'in?”, chan li Qaawa', li q'axal Sant.

Salmos 89:6

At Qaawa', li choxa naxnima aawu xb'aan laasachb'ach'oolej, ut li xch'utameb' li ánjel naxye resil li xtiikilal laach'ool.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.

Isaías 40:18

Ani teejuntaq'eeta wi' li Yos malaj k'aru teejalamuuchi wi'?

Salmos 89:8

Xiwajel ru li Yos sa' xch'utameb' li ánjel, jwal nim xwankil chiruheb' li jo'k'ihal wankeb' chi xk'atq.

Números 16:5

ut kixye re laj Koré ut chixjunileb' li rochb'een: “Wulaj eq'la li Qaawa' tixk'e chi nawe'k ani li sik'b'il ru, ani li xsantob'resihom, li taaruhanq chi nach'ok rik'in. Li sik'b'il ru xb'aan li Qaawa', a'an truuq taanach'oq rik'in.

Jeremías 12:5

“Wi nakatlub'k chi aanilak chirixeb' li neke'xik chi roqeb' -chan li Qaawa'-, chanru taawaj xyalb'al aawu rik'ineb' li neke'xik chirixeb' li kawaay? Wi ch'i'ch'i' wankat sa' jun li na'ajej maak'a' wi' ch'a'ajkilal, k'aru taab'aanu naq wanqat sa' xk'iche'il Jordán?

Jeremías 30:21

Sa' xyanqeb' a'an taawakliiq li taajolominq reheb'; rik'ineb' a'an taa'elq li taa'awab'ejinq reheb'. Tinb'oq chink'atq ut a'an taachalq wik'in, xb'aan naq ani tixkawu xch'ool chi jilok chink'atq? Laa'exaq lintenamit ut laa'inaq leeYos”, chan li Qaawa'.

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.

Zacarías 11:3

Eb' laj ilol ketomq yookeb' chi yaab'ak, xb'aan naq maak'a' chik li pach'aya' li kaw wi' xch'ooleb'. Na'ab'imank xyaab'eb' li kaqkoj, xb'aan naq x'oso'k li raxpim chire li nima' Jordán.

Isaías 48:14

Ch'utub'omaq eerib' chejunilex ut ab'ihomaqin: Ani sa' eeyanq xyehok eere: «Li wamiiw tixb'aanu li wajom reheb' laj Babilonia ut eb' laj Kaldeha»?