Jeremías 50:42 - Q'eqchi Bible

⁴² Wankeb' chaq xjutz' ch'iich' ut xsimaj sa' ruq'eb', q'axal josq'eb' ut maajun neke'ril xtoq'ob'aal ru. Chanchan xkawil oq li palaw naq neke'xjap reheb' ut wankeb' chaq chirix kawaay. Yo'oon wankeb' chi yalok aawik'in chi kaw, a Babilonia.

Li Santil hu

⁴² Cuanqueb xtzimaj ut cuanqueb xla̱ns. Kꞌaxal joskꞌeb. Ma̱ ani nequeꞌril xtokꞌoba̱l ru. Nak nequeꞌxjap re chanchaneb li palau li cau na-ecꞌan. Yo̱queb chi cha̱lc chirix cacua̱y. Ac cauresinbileb re teꞌcha̱lk chi pletic e̱riqꞌuin la̱ex aj Babilonia.

Jeremías 50:42 ပူးပေါင်းရင်းမြစ်များ

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

Jeremías 47:3

Naq taa'ab'iiq xyaab' li roqeb' li kawaay ut tz'aapixikaq xyaab'eb' li xsuriil eb' li b'eleb'aal ch'iich', eb' li yuwa'b'ej ink'a' chik te'rileb' li xkok'al xb'aan naq maak'a'aq chik xmetz'eweb'.

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Isaías 47:6

K'ajo' naq xinjosq'o'k rik'in lintenamit, xink'e chi muxe'k li weechanihom ut xinq'axtesiheb' sa' laawuq', a Babilonia. A'ut laa'at ink'a' xawil xtoq'ob'aal ruheb' ut xateneb' li kawil k'anjel sa' xb'eeneb' li cheekel winq.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Jeremías 50:14

“Tzolob'omaq eerib' chi xik chi yalok, sutomaq Babilonia laa'ex li nakexkutuk chi simaj. Meera junaq li simaj re xkutb'aleb', xb'aan naq xmaakob'k chiwu laa'in li Qaawa'.

Isaías 14:6

li xe'tawasink reheb' li tenamit sa' josq'il ut ink'a' xe'ril xtoq'ob'aal ru eb' li poyanam, a'eb' li xe'numtaak sa' xb'eeneb' li tenamit chi maak'a'eb' xkuyum.

Isaías 5:28

Q'es q'es ru'ujeb' li xsimaj ut chixjunil li xna' simaj kaw kaw rixeb'. Chanchan raxjohinkil pek li rixi'ijeb' li kawaay ut li roqeb' li xkaar kama'eb' li kaqsut-iq'.

Salmos 74:20

Chijultiko'q aawe li sumwank kak'ojob', xb'aan naq nujenaqeb' chi raaxiik' chixjunileb' li na'ajej sa' tenamit.

Salmos 46:6

Li Qaawa' wank sa' xyi li xtenamit, maak'a' taa'eek'asinq re; li Yos natenq'ank re chalen naq nasaqewk.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Jeremías 50:9

K'ehomaq reetal, laa'in tintaqlaheb' chaq jun ch'uut chi ninqi tenamit, li wankeb' chaq sa' xjayal releb'l iq', re naq te'xsach ruheb' laj Babilonia. Te'xtzolob' chaq rib' ut tole'reechani. Eb' laj puub' a'an, jwal kaweb' rib', moko neke'kutuk ta simaj chi maak'a' rajb'al.

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Ezequiel 26:3

“Jo'kan naq laa'in, li Qaawa', ninye chi jo'ka'in: At tenamit Tiro, laa'in xik' chik tatwil ut tintaqlaheb' li k'iila tenamit chasachb'al; jo' naq nawoqxink li palaw naq te'wulaq aawik'in.

Joel 2:5

Tz'aapixik tz'aqal rab'inkileb' naq yookeb' chi aanilak sa' xb'eeneb' li tzuul, kama' xyaab'eb' li k'iila b'eleb'aal ch'iich' re yalok; chanchaneb' li xyaab' li chaqi pim naq yo chi k'atk; jo'eb' laj puub' jwal kaweb' rib' li tzoltzookeb' royb'eninkil li xhonalil li yalok.