Jeremías 50:36 - Q'eqchi Bible

³⁶ Kamsihomaqeb' laj q'e, chikaano'q ruheb'. Kamqeb' laj puub' ut che'rahob'tesiiq.

Li Santil hu

³⁶ Ta̱cha̱lk li ple̱t saꞌ xbe̱neb laj kꞌe ut teꞌsachk xnaꞌlebeb. Ta̱cha̱lk li ple̱t saꞌ xbe̱neb li cauheb rib ut teꞌxucuak.

Jeremías 50:36 ပူးပေါင်းရင်းမြစ်များ

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.

Nahum 3:13

Eb' laasoldaad xe'yopirk: chanchaneb' ixq sa' xyanqeb' li xik' nele'ilok reheb'. Eb' li okeb'aal xe'tehonk chi xka'pak'alil ut li xam xk'at chixjunil li xnat'b'al rix.

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

1 Timoteo 6:4

a'an xmutz'o'k xb'aan li xq'etq'etil ut maak'a' naxnaw; junes patz'ink ut xwech'inkil rixeb' li aatin nawulak chiru. A'an li xyajel. Aran nachalk li kaqalink, li raaxiik', li majewank, li ink'a' usil k'a'uxl

1 Timoteo 4:2

A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

Nahum 3:7

Chi jo'kan chixjunileb' li te'iloq aawe te'eleliq chawu ut yooqeb' xyeeb'al: «Xjuk'e'k li tenamit Nínive. Ani taatoq'ob'anq ru? Ani taak'ojob'anq xch'ool?», cha'qeb'.

Nahum 2:8

Jo' li ha' yo chi elk sa' jun li jorol kumb', jo'kan naq yookeb' chi elelik eb' laj Nínive. “Xaqlinqex, xaqlinqex!”, chu'uxk reheb', ab'an maajun nasutq'iik.

Jeremías 51:32

Wankatqeb' laj xik'il uuchinel chireheb' li nima', xe'k'atmank eb' li kawub'resinb'il ochoch ut k'ajo' xxiweb' laj puub'.

Jeremías 51:30

Eb' laj puub' aj Babilonia xe'xkanab' li yalok ut xe'xtz'ap rib' sa'eb' li kawub'resinb'il ochoch; xe'lub'kje'k, ut jo'eb' aj chik li ixq anaqwan. Xe'k'ate'k li rochocheb' ut xe'weqmank eb' li okeb'aal.

Jeremías 51:23

Wochb'eenat naq xinputz'iheb' li ketomq ut eb' li neke'ilok reheb'; xinkamsiheb' laj k'alom jo'wi' eb' li b'ooyx, xinsacheb' ru eb' laj k'amol b'e ut eb' laj jolominel.

Jeremías 50:30

Jo'kan naq eb' li xsaaj al te'kamsiiq sa'atqeb' li b'e ut chixjunileb' laj puub' te'kamq sa' li kutan a'an”, chan li Qaawa'.

Jeremías 48:30

Li Qaawa' ajwi' naxnaw naq jwal neke'xnima xwankil; ab'anan moko us ta te'elq, ut maak'a' na'ok wi' li xb'aanuhomeb'.

Isaías 43:14

Jo'ka'in kixye li Qaawa', li xSant laj Israel, li ki'ach'ab'ank eere: “Sa' xk'ab'a' leeraab'al wankeb' poyanam xeb'intaqla aran Babilonia; xinte chixjunileb' li tz'alam, ut li xsahil xch'ooleb' laj Kaldeha xkanaak cho'q rahilal.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

2 Samuel 17:14

Toja' naq laj Absalón ut chixjunileb' laj Israel ke'xye: “Q'axal us li na'leb' xk'e laj Jusay aj Arkí chiru li xk'e laj Ajitófel”, chankeb'. A' li Qaawa' ki'ajok xpo'b'al ru li xk'uub'ahom laj Ajitófel, us ta a'an jwal us, re xk'amb'al chaq li rahilal sa' xb'een laj Absalón.

2 Samuel 15:31

Kiyehe'k resil re laj David naq laj Ajitófel wank sa' xyanqeb' li neke'okenk chirix laj Absalón. Toja' naq laj David kixye: “At Qaawa', taapo' taxaq ru li xk'a'uxl laj Ajitófel!”.