Jeremías 50:34 - Q'eqchi Bible

³⁴ Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Li Santil hu

³⁴ Abanan li ani ta̱colok reheb, aꞌan cau rib. “Nimajcual Dios” xcꞌabaꞌ. Relic chi ya̱l aꞌan ta̱oque̱nk chirixeb re nak naru teꞌcua̱nk saꞌ tuktu̱quil usilal saꞌ lix naꞌajeb. Abanan eb laj Babilonia ta̱cha̱lk raylal saꞌ xbe̱neb.

Jeremías 50:34 ပူးပေါင်းရင်းမြစ်များ

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Jeremías 51:36

Jo'kan utan li Qaawa' kixye chi jo'ka'in: “Laa'in tin'okenq chawix ut tink'e reeqaj li rahilal x'uxmank aawe. Tink'eheb' chi chaqik li nima' ut li yu'amha' re Babilonia,

Jeremías 15:21

Tatinkol sa' ruq'eb' li ink'a' useb' xna'leb' ut tatwisi rub'el xwankileb' li josq' aj winq”, chan li Nimajwal Yos.

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Miqueas 7:9

Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.

Isaías 43:14

Jo'ka'in kixye li Qaawa', li xSant laj Israel, li ki'ach'ab'ank eere: “Sa' xk'ab'a' leeraab'al wankeb' poyanam xeb'intaqla aran Babilonia; xinte chixjunileb' li tz'alam, ut li xsahil xch'ooleb' laj Kaldeha xkanaak cho'q rahilal.

Salmos 35:1

Xsaalm laj David. At Qaawa', yalon rik'ineb' li neke'raj yalok wik'in, pleetin rik'ineb' li neke'pleetink we.

Miqueas 4:10

Yaab'an ut chimayoq aach'ool, at Sión, jo'qat li ixq yo chi alank, xb'aan naq anaqwan tento tat-elq sa' li tenamit ut tatq'axonq sa' li k'aleb'aal. Tatwulaq toj Babilonia, ab'an aran tatkole'q, xb'aan naq li Qaawa' taa'isinq aawe sa' ruq'eb' li xik' neke'ilok aawe.

Isaías 51:22

Jo'ka'in kixye li Qaawa', laaYos, laj kolol re laatenamit: “Twisi sa' laawuq' li xsek'ul li rahilal, li xsek'ul linjosq'il li xatkalaak wi'; ink'a' chik taawuk' xsa'.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Proverbios 23:11

xb'aan naq wank jun nakolok re, jwal kaw rib', ut A'an taaraqoq aatin sa' aab'een.

Proverbios 22:23

Xb'aan naq li Qaawa' taakoloq re, ut tixsach ruheb' li xe'rahob'tesink re.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Jeremías 51:19

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Li xHu LAJ JOB 19:25

Laa'in ninnaw naq yo'yo laj kolol we ut taa'aatinaq chiwix arin sa' ruuchich'och'.

Isaías 49:25

Li Qaawa' naxye naq naruuk: “Eb' li wankeb' chi preexil te'maq'e'q chiru li kaw rib', ut li reechanihom li josq' aj winq taa'eleliq chiru. Laa'in tinyaloq rik'ineb' li te'raj yalok aawik'in, ut tinkoleb' laawalal aak'ajol.

Jeremías 31:11

Xb'aan naq li Qaawa' xkolok reheb' laj Israel, ut xrisiheb' chaq rub'el xwankil jun tenamit li q'axal kaw rib'.

Jeremías 31:35

Jo'ka'in kixye li Qaawa', li kixk'e li saq'e cho'q xsaqenk li kutan, li po ut eb' li chahim cho'q xsaqenkil li q'oqyink, ut na'eek'asink re li palaw re naq kaw taa'ab'imanq li xkaw oq; li Qaawa', li Nimajwal Yos, a'an li xk'ab'a':

Jeremías 32:18

Laa'at nakawuxtaana ruheb' li k'iila o'q'ob' chi poyanam, ab'anan nakarahob'tesiheb' ajwi' eb' li winq xb'aan li xmaakeb' li xna' xyuwa'eb'. At Nimajwal Yos li rajawal kaw aawib'; laak'ab'a' laa'at a'an Nimajwal Yos!

Lamentaciones 3:58

At Qaawa', xinaatenq'a ut xakol linyu'am.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

2 Crónicas 6:39

ab'i laa'at li xtijeb' toj sa' choxa; chak'e reetal li neke'xtz'aama toj sa' laamuheb'aal. Raqon aatin sa' xb'eeneb' ut chakuy xmaakeb' laatenamit li xe'maakob'k chawu.

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Jeremías 30:20

Eb' li ralal xk'ajol laj Israel te'wanq jo' chaq junxil, xaqxooq chi kaw li xkomonileb' chi paab'ank; ut laa'in tinrahob'tesiheb' li te'rahob'tesinq reheb'.

Jeremías 48:15

Chalk re li taasachoq re Mohab ut eb' li xtenamit; chixjunileb' li xsaajil aleb' te'k'ame'q chi kamk -chan li xnimal ru Awab'ej, a' li Nimajwal Yos naxk'ab'a'in-.