Jeremías 50:27 - Q'eqchi Bible

²⁷ Kamsihomaq chixjunileb' laj puub' ut sachomaq ruheb' jo'eb' li wakax. Rahilal xchalk sa' xb'eeneb' xb'aan naq xwulak xkutankil li xrahob'tesinkileb'.

Li Santil hu

²⁷ Camsihomakeb chixjunil li cui̱nk li toj sa̱jeb. Chanchanakeb li cuacax li yo̱queb chi xic chi camsi̱c. Raylal ta̱cha̱lk saꞌ xbe̱neb laj Babilonia xban nak xcuulac xkꞌehil nak teꞌqꞌuehekꞌ chi xtojbal rix lix ma̱queb.

Jeremías 50:27 ပူးပေါင်းရင်းမြစ်များ

Jeremías 46:21

Jo'kaneb' ajwi' laj puub' tojb'ileb' xb'aan, chanchaneb' li ch'oolaninb'il wakax; eb' a'an ajwi' te'eleliq sa' aanil ut ink'a' te'xkuy sumenk chi yalok, xb'aan naq xwulak xkutankil li tojb'amaak, xtaw xq'ehil li xnimal rahilal.

Isaías 34:7

Cho'q ruuchileb' li xninqal xul te'kamsiiq eb' li tenamit; jo' ruuchileb' li teelom wakax te'oso'q li jwal kaweb' rib'. Toja' naq li xna'ajeb' taanujaq chi kik', ut taaxeeb'o'q li pojtz'.

Jeremías 48:44

Li ani taa'eleliq chiru laj yo, toxt'ane'q sa' li jul; ut li taa'elq chaq sa' li jul, toxt'ane'q sa' li ra'al, xb'aan naq tink'e Mohab sa' tojb'amaak naq taawulaq xkutankil li rahilal -chan li Qaawa'-.

Salmos 37:13

Ab'an li Qaawa' naxse'e xaq li yib'ru xna'leb': naxnaw naq wulak re xq'ehil naq taasache'q.

Salmos 22:12

At Qaawa', matkanaak chaq chi najt, xb'aan naq li rahilal ak nach' chik wank ut maajun natenq'ank we.

Apocalipsis 19:17

Chirix chik a'an kiwil jun li ánjel xaqxo sa' xb'een li saq'e, japjo re chi xyeeb'al chi kaw xyaab' xkux reheb' chixjunil li xul neke'xik'ank chiru choxa: “Kimqex, ch'utub'omaq eerib' re li nimla wa'ak kawresinb'il xb'aan li Yos,

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Lamentaciones 1:21

Chinaawab'i ta chi yaab'ak: maa'ani nak'ojob'ank li waanm. Eb' li xik' neke'ilok we xe'rab'i resil li rahilal xak'e sa' inb'een, ut neke'saho'k xch'ool rik'in li yookin chi xk'ulb'al. Chichalq ta li Kutan yeeb'il aab'aan, re naq te'xk'ul ajwi' eb' a'an li yookin chi xk'ulb'al laa'in.

Jeremías 50:31

“At q'etq'et aj tenamit, yo injosq'il aawik'in; xwulak laakutankil ut xtaw xq'ehil naq taatoj rix laamaak.

Jeremías 50:11

“Ex aj Kaldeha li xechoyatq xsa' lintenamit, jwal xsaho'k leech'ool ut xexninq'ehik. Xexpisk'ok jo'eb' li saaj wakax sa' li pach'aya', ut chanchanex li kawaay naq xejap eere.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Li xHu LAJ JOB 18:20

Te'xiwaq ut te'sachq xch'ool jo'k'ihaleb' li wankeb' sa' releb'l ut rokeb'l li saq'e.

Jeremías 12:3

At Qaawa', laa'at nakanaw wu; xinaawil ut xak'e reetal naq linch'ool wank aawik'in. K'ameb' sa' li kamsib'aal jo' naq nak'ame'k li karneer, ut k'e reetalileb' cho'q re xkutankil li kamsink.

Jeremías 25:34

Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.

Jeremías 48:10

Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

Jeremías 48:15

Chalk re li taasachoq re Mohab ut eb' li xtenamit; chixjunileb' li xsaajil aleb' te'k'ame'q chi kamk -chan li xnimal ru Awab'ej, a' li Nimajwal Yos naxk'ab'a'in-.

Jeremías 51:40

Chirix chik a'an tink'eheb' chi kamsiik, jo' neke'k'ame'k chi kamsiik eb' li karneer, li chib'aat ut li saaj wakax”.

Isaías 21:12

Ut laj k'aak'alenel kixye: “Ak saqewk re, ab'anan chalk wi' chik re li q'oqyink. Wi teeraj patz'ok, patz'onqex, ab'an sutq'inqex chaq wi' chik”.

Isaías 34:6

Oso'jenaq li xq'esnal ch'iich' li Qaawa' sa' kik' ut xeeb', kama' naq neke'kamsiik eb' li karneer ut li chib'aat sa' xhonalil li mayejak. Li Qaawa' taamayejaq aran Bosrá, ut taawanq nimla kamsink sa' xteepal Edom.