Jeremías 50:21 - Q'eqchi Bible

²¹ “Ayuqex chi yalok sa' xteepal Meratáhin ut rik'ineb' li wankeb' Pekod. Kamsihomaqeb' rik'in q'esnal ch'iich' ut sachomaq ruheb' toj reetal maajun chik tkanaaq. B'aanuhomaq chi tz'aqal re ru li xexintaqla wi'”, chan li Qaawa'.

Li Santil hu

²¹ Li Ka̱cuaꞌ quixye: —Ayukex chi pletic riqꞌuineb li cuanqueb Merataim ut Pecod, ut camsihomakeb. Ba̱nuhomak li cꞌaꞌru xexintakla cuiꞌ, chan li Ka̱cuaꞌ.

Jeremías 50:21 ပူးပေါင်းရင်းမြစ်များ

Ezequiel 23:23

eb' laj Babilonia, chixjunileb' laj Kaldeha, eb' laj Pekod, eb' laj Soha ut aj Koha, rochb'eeneb' chixjunileb' laj Asiria, saaj winqeb' ch'ina'us rilb'aleb', aj jolomineleb' ut ruuchileb' li awab'ej, xninqaleb' ru winq li neke'b'eek chirix kawaay.

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.

Jeremías 50:9

K'ehomaq reetal, laa'in tintaqlaheb' chaq jun ch'uut chi ninqi tenamit, li wankeb' chaq sa' xjayal releb'l iq', re naq te'xsach ruheb' laj Babilonia. Te'xtzolob' chaq rib' ut tole'reechani. Eb' laj puub' a'an, jwal kaweb' rib', moko neke'kutuk ta simaj chi maak'a' rajb'al.

Jeremías 50:3

Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Jeremías 48:10

Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Isaías 48:14

Ch'utub'omaq eerib' chejunilex ut ab'ihomaqin: Ani sa' eeyanq xyehok eere: «Li wamiiw tixb'aanu li wajom reheb' laj Babilonia ut eb' laj Kaldeha»?

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

2 Crónicas 36:23

“Jo'ka'in xye laj Siro, awab'ej re Persia: Li Qaawa', xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá. Jo'kan utan, chejunilex li xkomonex li xtenamit li Yos naru texxik aran. Ut li Qaawa' leeYos chiwanq taxaq eerik'in!”.

2 Reyes 18:25

Ma nakak'oxla naq xinchalk chi xjuk'b'al li na'ajej a'in chi ink'a' ta xinxtaqla chaq li Qaawa'? A' li Qaawa' xyehok we: «Ayu chi xsachb'al li tenamit a'an», chan we”.

2 Samuel 16:11

Chirix chik a'an kixye re laj Abisay ut reheb' chixjunil laj k'anjel chiru: “K'ehomaq reetal. Li walal, li tz'aqal walal, naxsik' inkamsinkil. Ma toja' ta chik junaq aj Benjamín? Kanab'omaq chinmajewankil xb'aan naq li Qaawa' xtaqlank re.

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

Deuteronomio 33:27

Li najteril Yos a'an li namuheelank aawe; laa'at wankat junelik rub'el li xkupuhom. A'an na'aanilasink reheb' chawu li xik' neke'ilok aawe, ut naxye aawe: «Sacheb' ru».

Isaías 48:15

Laa'in xin'aatinak rik'in, xinb'oq ut xink'am chaq re naq us taa'elq sa' li xb'aanuhom.