Jeremías 50:20 - Q'eqchi Bible

²⁰ Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.

Li Santil hu

²⁰ Saꞌ eb li cutan aꞌan eb laj Israel ut eb laj Judá ma̱cꞌaꞌak xma̱queb xban nak la̱in tincuy tinsach lix ma̱queb li joꞌ qꞌuial chic xeꞌcana, chan li Ka̱cuaꞌ.

Jeremías 50:20 ပူးပေါင်းရင်းမြစ်များ

Miqueas 7:19

Chawuxtaana wi' chik qu, chamuq li qamaa'usilal ut chakut chixjunileb' li qamaak sa' xchamal li palaw.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

Salmos 103:12

Jo' xnajtil li na'ajej na'elk wi' chaq li saq'e rik'in li na'ajej na'ok wi', jo'kan ajwi' li Qaawa' naxnajtob'resi qik'in li qamaak.

2 Pedro 3:15

Chek'oxla naq li xnimal xkuyum li Qaawa' a'an leekolb'al. A'an ajwi' kixtz'iib'a eerik'in laj Pablo, li qech aj paab'anelil raaro qab'aan, jo' chanru li na'leb' k'eeb'il chaq re xb'aan li Yos.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

Romanos 6:13

Chi moko chek'e leeroq leeruq' re xb'aanunkil li maak, cho'q xk'anjelob'aal li ink'a' us; cheq'axtesi b'an eerib' re li Yos jo'kex li kamenaq yo'lajenaqeb' wi' chik, ut chek'e leeroq eeruq' cho'q xk'anjelob'aal li tiikil ch'oolej, cho'q re li Yos.

Jeremías 33:15

“Chiruheb' li kutan a'an, tinxaqab' jun li ralal laj David, q'axal tiikaq xch'ool, li tixk'anjela ru li tiikilal ut li k'ulub'ej sa' li na'ajej a'in.

Romanos 11:6

Wi ut sa' xk'ab'a' li rusilal, a'an maawa' chik sa' xk'ab'a'eb' xb'aanuhom; wi ta ink'a' jo'kan, li usilal maawa' raj chik usilal.

Romanos 5:16

Moko naru ta xjuntaq'eetankil li xsimaatan li Yos rik'in li k'aru nachalk xb'aan li xmaak jun chi winq. Xb'aan naq li raqb'a aatin li kichalk xb'aan jun chi maak koxraqe'q rik'in li tojb'amaak; a'ut li simaatan li kichalk xb'aan li k'iila maak koxraqe'q rik'in li tiikil ch'oolej.

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

Jeremías 50:4

“Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.

Jeremías 44:14

Maajun reheb' li xch'inach'uuteb' laj Judá li xkoheb' chi wank sa' xteepal Ejiipt, te'kole'q. Us ta raj te'sutq'iiq chaq wi' chik Judá, ink'a' te'ruuq sutq'iik; yal wiib' oxib'eb' aj chik te'eleliq ut te'sutq'iiq chaq»”.

Salmos 17:3

Laa'at xatz'il rix li waanm ut xinaawula'ani chi q'eq; xinaayal sa' xam, ab'an maak'a' maa'usilal xataw wik'in.

Isaías 33:24

Maajun chik sa' qayanq tixye: “Yajin”, ut li Qaawa' tixkuy xmaakeb' li wankeb' sa' li tenamit Sión.

Jeremías 33:8

Twisi chixjunil li xmaakeb' li xe'xb'aanu ut tinkuy chixjunil li maa'usilal xine'xtz'eqtaana wi' naq xe'xq'etq'eti rib' chiwu.

Ezequiel 18:22

Maajun reheb' li maak xb'aanuhom chaq taajultikamanq chik, ut taawanq xyu'am xb'aan naq xwank sa' tiikilal.

Zacarías 3:9

Xink'e chiru laj Josué jun li pek wank wuqub' pak'al ru; laa'in ajwi' tintz'iib'a ru -chan li Nimajwal Yos-, ut chiru yal jun kutan tinsach li xmaakeb' li ruuchich'och'.

Salmos 85:3

Xakuy xmaakeb' laatenamit ut xasach chi junajwa chixjunil li kimaakob'k wi'.

Isaías 10:21

Yal ajlanb'ilaqeb' aj chik li ralal xk'ajol laj Jakob li te'sutq'iiq rik'in li Nimajwal Yos.

Lamentaciones 4:22

At tenamit Sión, ak xatoj rix laamaak; li Qaawa' ink'a' chik tatxk'am sa' najtil tenamit. A'ut laa'at, Edom, li Yos taak'ajtesinq aawu, ut tixk'e chi kutankil chixjunil laamaa'usilal!

Sofonías 3:12

Tinkanab' aawik'in jun tenamit kub'enaq xwankil ut neb'a', li te'xkawub'resi xch'ooleb' wik'in.