Jeremías 50:16 - Q'eqchi Bible

¹⁶ Maajun teekanab' chi awk aran Babilonia chi moko teekol li naxokok ru awimq sa' xq'ehil li q'olok. Naq te'ril li nimla rahilal, li junjunq taa'eleliq ut taaxik sa' li xtenamit; li junjunq taasutq'iiq wi' chik sa' li xna'aj.

Li Santil hu

¹⁶ Me̱canabeb chi a̱uc eb laj Babilonia chi moco te̱canabeb chi kꞌoloc saꞌ xkꞌehil li kꞌoloc. Xban li ple̱t eb li jalaneb xtenamit teꞌe̱lelik ut teꞌxic saꞌ lix tenamiteb.

Jeremías 50:16 ပူးပေါင်းရင်းမြစ်များ

Isaías 13:14

“Toja' naq eb' li poyanam jo'kaqeb' li yuk chi elelik malaj kama'aqeb' li karneer li neke'cha'chotk chi maajun chik nach'utub'ank reheb'. Li junjunq tixchap raanil sa' li xtenamit ut taa'eleliq toj sa' li xk'aleb'aal.

Jeremías 51:9

Ak xqab'an Babilonia, ab'an ink'a' xk'iraak. Qakanab'aq ut li junjunq xikaq sa' li xtenamit, xb'aan naq li xmaa'usilal xwulak toj sa' choxa ut xnawmanje'k toj sa' xb'eeneb' li choql.

Jeremías 46:16

Eb' laasoldaad xe'tichk'ok ut xe't'ane'k chiru ch'och' ut neke'xye chirib'ileb' rib': «Wakliiqo ut sutq'iiqo sa' li qana'aj, sa' li tenamit yo'lajenaqo wi'; eleliqo chiru li xnimal kamsink a'in», chankeb'.

Joel 1:11

Chimayoq eech'ool, ex aj awinel, yaab'anqex laa'ex li nekex'awok uub', xb'aan naq maak'a' chik li triiw ut li seb'aad, x'oso'k chixjunil li awimq sa'eb' li k'aleb'aal.

Amós 5:16

Jo'kan naq li Qaawa', li Nimajwal Yos, kixye chi jo'ka'in: “Taawanq yaab'ak sa' chixjunileb' li k'ayiil, ut sa'atqeb' li b'e taawanq tz'uyink xb'aan li rahilal. Te'b'oqmanq chi yaab'ak eb' laj k'aleb'aal ut te'b'oqe'q chi q'oqonk li tojb'ileb' chi yaab'ak;

Jeremías 51:23

Wochb'eenat naq xinputz'iheb' li ketomq ut eb' li neke'ilok reheb'; xinkamsiheb' laj k'alom jo'wi' eb' li b'ooyx, xinsacheb' ru eb' laj k'amol b'e ut eb' laj jolominel.

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.