Jeremías 50:13 - Q'eqchi Bible

¹³ Xb'aan linjosq'il xinkanab' chi nakirirnak ut maajun chik xpoyanamil. Chixjunil li taanume'q aran Babilonia taasachq xch'ool ut taase'eq chi rilb'al li rahilal xk'ulum.

Li Santil hu

¹³ Xban nak yo̱ injoskꞌil saꞌ xbe̱neb ma̱ ani ta̱cana̱k Babilonia. Ta̱canaba̱k chi juqꞌuinbil chixjunil ut chixjunileb li teꞌnumekꞌ aran teꞌsach xchꞌo̱leb chirilbal ut teꞌxhob xban li raylal xcꞌul.

Jeremías 50:13 ပူးပေါင်းရင်းမြစ်များ

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Jeremías 49:17

“Xiwajelaq chik rilb'al Edom. Jo'k'ihaleb' li te'nume'q aran, te'sachq xch'ool chi rilb'al ut te'xse'e chixjunil li rahilal xk'ulum.

Zacarías 1:15

Jo'kan naq makach'in injosq'il sa' xb'eeneb' li tenamit a'an li maak'a' neke'xk'oxla, xb'aan naq k'ajo' chik li maa'usilal xe'xb'aanu re lintenamit naq yo b'a'b'ay injosq'il.

Sofonías 2:15

Jo'ka'in te'kanaaq li q'axal sa sa' xch'ooleb' naq xe'wank, li tenamit kaw rib' naq naxk'oxla, li naxye sa' xch'ool: “Ka'ajin wi' ut maa'ani chik junaq!”. Ilomaq! Nakirirnak xkanaak, ut xna'ajeb' chik li josq' aj xul. Chixjunileb' li te'nume'q chi xk'atq te'xuxb'aq ut te'xb'anb'ani li xjolomeb'.

Jeremías 51:37

ut li tenamit a'an taakanaaq jo' jun tuub' chi pek, cho'q xna'ajeb' laj xojb', tz'eqtaananb'ilaq ut xiwajelaq rilb'al; ut maajunaq poyanam taawanq chisa'.

Jeremías 25:12

Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Jeremías 19:8

Joxk' ut xiwajel tinkanab' li tenamit a'in: chixjunileb' li te'nume'q arin te'sachq xna'leb' chi rilb'al a'an ut te'xse'e li xsachik li tenamit.

Li xHu LAJ JOB 27:23

K'ajo' naq te'xpoq'poq'i li ruq'eb' li poyanam chi rilb'al li roso'jik; ut te'xuxb'aq yalaq b'ar taanume'q a'an.

Deuteronomio 29:22

Eb' li toj te'yo'laaq, a'eb' leeralal eek'ajol li te'chalq cherix laa'ex, jo' ajwi' eb' li jalan xtenamiteb' chalenaqeb' chaq chi najt, naq te'ril li xninqal rahilal ut yajel taarahob'tesiiq wi' li na'ajej a'in xb'aan li Qaawa', te'xjap re chi xyeeb'al:

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 50:3

Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Jeremías 51:26

Maajun xpekul laapo'lemil taaxokmanq re xk'ojob'ankil rub'elankil junaq ochoch chi moko re kab'lak, xb'aan naq nakirirnak tatkanaaq chi junwaakaj -chan li Qaawa'-.

Jeremías 51:29

Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Jeremías 51:62

Chirix chik a'an taaye chi jo'ka'in: «At Qaawa', laa'at xaye naq taajuk' li tenamit a'in, toj reetal naq maajun chik twanq chisa', chi moko junaq poyanam chi moko junaq xul, xb'aan naq joxk' taakanab' li na'ajej a'in chi junwaakaj».

Ezequiel 27:36

Eb' laj yakonel li wankatqeb' sa' jalan tenamit, k'ajo' naq neke'xuxb'ak chawix; jwal xiwajel aj chik xatkanaak ut xat-oso'k chi junajwa»”.