Jeremías 50:12 - Q'eqchi Bible

¹² Q'axal xutaanal xkanaak Babilonia, sachso xna'leb' li na'ajej xexyo'laak wi'. A'an chik li jwal kach'in xwankil sa' xyanqeb' chixjunil li tenamit, xkanaak chi po'lemil, jo' jun chaqich'och' li maajun chik wank chisa'.

Li Santil hu

¹² Abanan le̱ tenamit la̱ex ta̱isi̱k xlokꞌal. Li tenamit li xexyoꞌla cuiꞌ ta̱cꞌutekꞌ xxuta̱n usta kꞌaxal lokꞌ nak quicuan. Aꞌanak li kꞌaxal caꞌchꞌin xcuanquil saꞌ xya̱nkeb chixjunileb li tenamit. Ta̱sukꞌisi̱k chokꞌ chaki chꞌochꞌ ut ma̱cꞌaꞌak cuan chi saꞌ.

Jeremías 50:12 ပူးပေါင်းရင်းမြစ်များ

Jeremías 51:43

Nakirirnak xe'kanaak eb' li xtenamit, chanchaneb' aj chik li joxk' ch'och'; maajun chik poyanam wank chisa' chi moko nanume'k aran.

Apocalipsis 17:5

ut tz'iib'anb'il chi xpeekem jun k'ab'a'ej muqmu xyaalal: “Babilonia, li Nimla Tenamit, li xna'eb' laj yumb'eet ut xna' ajwi' chixjunil li tz'i'b'eetalil aj na'leb' li wank sa' ruuchich'och'”.

Gálatas 4:26

A'ut li Jerusalén wank taqe'q a'an ach'ab'anb'il ut a'an li qana',

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Jeremías 25:26

chixjunileb' li awab'ej wankeb' chaq sa' xjayal releb'l iq', eb' li wankeb' chi nach' jo'wi' li wankeb' chaq chi najt chirib'ileb' rib', ut chixjunileb' li awab'ej li wankeb' junsut junrub'el choxa. Ut li awab'ej re Babilonia taa'uk'aq sa' xraqik.

Jeremías 25:12

Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Isaías 23:13

Ilomaq chanru xkanaak Kaldeha: moko tenamit ta chik; eb' laj Asiria xe'q'axtesink re li na'ajej a'an reheb' li josq' aj xul. Xe'yiib'ank ochoch najteb' xteram re ok sa' li tenamit; xe'xjuk'i eb' li kawub'resinb'il ochoch ut po'lem chik xkanaak chixjunil.

Isaías 14:22

“Laa'in tinwakliiq chi xxik'b'al rilb'aleb' -chan li Nimajwal Yos- ut tinsach li xk'ab'a' Babilonia chi junajwa: tinsach ruheb' li ralal xk'ajol ut eb' li ri xmam.

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Jeremías 15:9

Q'axal ra xk'ul li na'b'ej li wank wuqub' li ralal, k'ajo' naq xmayok li xch'ool! Xkanaak sa' xutaanal ut xsache'k li xwankil; xq'oqyino'k ru li saq'e naq toj kutan. Ut eb' li te'kole'q sa' xyanqeb', laa'in tinq'axtesiheb' chi kamk chiruheb' li xik' neke'ilok reheb'”, chan li Qaawa' Yos.

Jeremías 22:6

Jo'ka'in kixye li Qaawa' chirix li rochoch li awab'ej re Judá: “Chanchanat li tzuul Galahad cho'q we laa'in, ut kama'at li tzuul Líbano; ab'anan ninye tz'aqal aawe naq joxk' ch'och' tatinkanab' wi', jo'qat jun na'ajej li maajun nawank chisa'.

Jeremías 51:47

Jo'kan utan, chalk re xkutankil naq tolinsach ruheb' li xjalanil yoseb' laj Babilonia. Chixjunileb' li poyanam te'kanaaq sa' xutaan ut te'nujaq chi kamenaq li xna'ajeb'.