Jeremías 50:1 - Q'eqchi Bible

¹ A'aneb' a'in li aatin kixye li Qaawa' re laj Jeremías chirix li rahilal tixk'ul Babilonia, xtenamiteb' laj Kaldeha:

Li Santil hu

¹ Aꞌan aꞌin li quixye li Ka̱cuaꞌ re li profeta Jeremías chirix li naꞌajej Babilonia joꞌ eb ajcuiꞌ li cuanqueb aran.

Jeremías 50:1 ပူးပေါင်းရင်းမြစ်များ

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

Hechos 7:4

Toja' naq laj Abrahán ki'elk sa' xch'och'eb' laj Kaldeha ut koxkanaaq Harán. Ut naq ak xkamk li xyuwa', li Yos kirisi chaq aran toj sa' li na'ajej wankex wi' anaqwan;

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Isaías 23:13

Ilomaq chanru xkanaak Kaldeha: moko tenamit ta chik; eb' laj Asiria xe'q'axtesink re li na'ajej a'an reheb' li josq' aj xul. Xe'yiib'ank ochoch najteb' xteram re ok sa' li tenamit; xe'xjuk'i eb' li kawub'resinb'il ochoch ut po'lem chik xkanaak chixjunil.

Isaías 14:4

teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Li xHu LAJ JOB 1:17

Toj yo ajwi' a'in chi aatinak, naq kiwulak jun chik ut kixye: —Xe'wulak sa' qab'een oxib' ch'uutal laj Kaldeha: xe'xkamsiheb' chi ch'iich' laj k'anjel chawu ut xe'xk'ameb' laakameey. Ka'ajin wi' xinruuk chaq chi elelik re xyeeb'al resil aawe.

2 Samuel 23:2

“Li xmusiq' li Qaawa' na'aatinak wik'in, li xloq'laj aatin wank chi xtz'uumal we.

Génesis 11:31

Laj Téraj kixk'ameb' laj Abrán, li ralal, laj Lot, li ri, ralal laj Harán, ut lix Saray, li ralib', rixaqil laj Abrán, ut rochb'eeneb' naq ki'elk sa' li tenamit Ur, sa' xteepal Kaldeha, re taaxik Kanahán. Ut naq ke'wulak Harán, ke'kanaak aran.

Génesis 10:10

Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Génesis 11:9

Aran li Qaawa' kixpo' li raatinob'aal chixjunileb' li tenamit ut kixcha'cha'iheb' sa' chixjunil li ruuchich'och'. Xb'aan a'an Babel kixk'ab'a'in li tenamit.

2 Reyes 17:24

Li awab'ej re Asiria kixk'ameb' chaq laj Babilonia, laj Kutá, aj Abá, laj Jamat ut eb' aj Separbáhin, ut kixk'eheb' xna'aj sa' li tenamit Samaria, ke'wank wi' eb' laj Israel. Jo'kan naq ke'reechani Samaria ut ke'kanaak sa' li xna'ajeb' laj Israel.

Jeremías 25:12

Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Daniel 1:1

Sa' rox chihab' rokik chi awab'ejink laj Johakín aran Judá, laj Nabukodonosor, li awab'ej re Babilonia, kiwulak sa' li tenamit Jerusalén ut kixsut rix.