Jeremías 5:6 - Q'eqchi Bible

⁶ Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Li Santil hu

⁶ Joꞌcan nak eb laj Jerusalén teꞌxcꞌul li raylal xbaneb li xicꞌ nequeꞌiloc reheb. Li cakcoj li cuanqueb saꞌ qꞌuicheꞌ teꞌcha̱lk chixcamsinquileb. Laj xoj li cuanqueb saꞌ li chaki chꞌochꞌ teꞌxpedasiheb. Li hix tixbeni rib saꞌ lix tenamiteb. Cui nequeꞌel saꞌ be teꞌchapekꞌ ut teꞌpedasi̱k xbaneb li hix. Joꞌcan teꞌxcꞌul xban nak xnumta lix ma̱queb. Qꞌuila sut xeꞌxtzꞌekta̱na li Ka̱cuaꞌ.

Jeremías 5:6 ပူးပေါင်းရင်းမြစ်များ

Sofonías 3:3

Li xninqaleb' ru winq li wankeb' aran, chanchaneb' li kaqkoj chaajeb' re; eb' laj raqol aatin jo'keb' laj xojb' sa' li chaqich'och' li ink'a' neke'xkanab' xtib'eb' re wulaj.

Habacuc 1:8

Li xkawaayeb' jwal kaw neke'aanilak chiruheb' li hix, ut rajawal josq'eb' chiruheb' laj xojb' sa' li chaqich'och'. Numtajenaq xk'ihaleb' laj puub' ut toj najt ajwi' neke'xchap raanileb' chi yalok; chanchaneb' li t'iw li naxkut rib' sa' xb'een li xtzak.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Ezequiel 22:27

Li xjolomileb' li tenamit chanchaneb' laj xojb' li neke'xt'upi li xtzakeb', yo'ooneb' chi kamsink ras riitz'in re relq'ankil li xb'ihomaleb'.

Apocalipsis 13:2

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Oseas 5:14

Xb'aan naq laa'in jo'kaqin jun kaqkoj naq tinrahob'tesiheb' laj Efraín ut eb' laj Judá. Laa'in tinputz'inq reheb', ut chirix a'an teb'inkanab' xjuneseb'; tink'eheb' sa' rahilal, ut maajun taaruuq chi kolok reheb' sa' wuq'.

Daniel 7:6

“Naq yookin chi ilok, kiwil jun chik li xul, kama' li hix, li wank kaahib' xxik' chirix ut wank kaahib' xjolom. Ut kik'ehe'k xwankilal.

Daniel 7:4

Li xb'een xul chanchan li kaqkoj na'ilok ut wankeb' xxik' jo' li t'iw. Naq yookin chi rilb'al, ki'isiik li xxik', kiwaklesiik chiru ch'och' ut kixxaqab' rib' jo' junaq winq; ut kik'ehe'k xna'leb' re k'oxlak jo' junaq poyanam.

Ezequiel 23:19

Ab'an lix Oholibá k'ajo' chik li maa'usilal kixb'aanu, kijultiko'k re naq kixmux chaq rib' sa' li xsaajilal aran Ejiipt;

Ezequiel 16:25

Sa'atqeb' li xaalib'e kakab'la eb' laamuheb'aal ut aran kak'e chi sache'k laaloq'al jo' junaq aj yumb'eet, kaq'axtesi aawib' reheb' jo'k'ihal li neke'nume'k aran.

Lamentaciones 1:5

Eb' li xik' neke'ilok re neke'numtaak sa' xb'een, ut saheb' chik sa' xch'ool. A' li Qaawa' xrahob'tesink re xb'aan xk'ihaleb' li maak xb'aanu Jerusalén. Eb' li ralal xk'ajol xe'k'ame'k chi najt xb'aaneb' li xik' neke'ilok reheb'.

Jeremías 49:19

“Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

Jeremías 30:24

Maajoq'e taach'anaaq xjosq'il li Qaawa' toj reetal tixb'aanu ut tixtz'aqob'resi ru li x'alaak sa' xch'ool xb'aanunkil. Ut a'in ink'a' neketaw ru anaqwan, ab'an teetaw xyaalal sa' junaq kutan.

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Jeremías 2:15

K'a'ut naq xe'chalk eb' laj rahob'tesinel sa' xb'eeneb' chi japjookeb' re kama'eb' li kaqkoj? Xe'xk'ati chixjunil li na'ajej ut xe'xkanab' chi po'lemil, chi maajun chik wank aran.

Isaías 59:12

Xb'aan naq xnumtaak li qaq'etq'etil chawu, at Qaawa', ut a' li qamaak najitok qe chawu. Wank sa' qach'ool li qaq'etb'a aatin ut naqanaw chixjunil li xoomaakob'k wi'.

Salmos 104:20

Nakataqla chaq li aak'ab', ut naq'oqyino'k: neke'elk chi b'eek chixjunileb' li xul sa' li k'iche'.

Esdras 10:10

Toja' naq laj Esdras laj tij kixaqliik ut kixye reheb': “Xexmaakob'k xb'aan naq xexsumlaak rik'ineb' li ixq aj ab'l tenamiteb'. Chi jo'kan kitamk xmaakeb' laj Israel.

Esdras 9:6

ut kinye: “At inYos, sachso linch'ool ut q'axal ninxutaanak chi xtaqsinkil li wilob'aal chawu, at inYos. Xikenaq xb'een li qamaa'usilal ut jwal naab'al li qamaak: xwulak toj sa' choxa.

Números 32:14

Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

Salmos 80:13

K'a'ut naq xajuk' li tz'ak sutsu wi'? Chixjunileb' li neke'nume'k sa' b'e neke'xsik' li ru;

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Jeremías 30:15

K'a'ut naq nakajap aawe xb'aan laarahilal? Maak'a' chik xb'anol laatiq'ilal. Xb'aan xk'ihal laamaak ut li maa'usilal xab'aanu xinb'aanu aawe chi jo'kan.

2 Crónicas 36:14

Jo'kaneb' ajwi' chixjunileb' li xyuwa'ileb' laj tij ut eb' li poyanam: numtajenaq li maa'usilal ke'xb'aanu, jo' chanru k'aynaqeb' xb'aanunkil eb' li jalanil tenamit, ut ke'xmux li rochoch li Yos, li ak q'axtesinb'il chi xloq'oninkil ru li Qaawa' aran Jerusalén.

Li xHu LAJ JOB 10:16

Junelik nikinaasik', chanchanat junaq kaqkoj; nakak'ut xnimal aawankil sa' inb'een.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Jeremías 8:7

Li nimla jotz sa' choxa naxnaw li xq'ehil li xsutq'ijik; li mukuy, li wilix ut li xpatux ha' neke'xnaw jo'q'e te'elq sa' li xna'ajeb'. Ab'an lintenamit ink'a' naxnaw li xchaq'rab' li Qaawa'.