Jeremías 5:28 - Q'eqchi Bible

²⁸ ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Li Santil hu

²⁸ Ni̱nkeb xtibel xban nak sa nequeꞌtzacan. Kꞌaxal cuiꞌchic numtajenak li ma̱usilal nequeꞌxba̱nu. Incꞌaꞌ nequeꞌrakoc a̱tin saꞌ ti̱quilal saꞌ xbe̱neb li ma̱cꞌaꞌ xnaꞌ xyucuaꞌeb, chi moco nequeꞌoquen chirixeb li nebaꞌ.

Jeremías 5:28 ပူးပေါင်းရင်းမြစ်များ

Zacarías 7:10

Meerahob'tesi li xmalka'an, li neb'a'yox, laj ab'l tenamit ut li neb'a'; chi moko teek'oxla sa' leech'ool xb'aanunkil li rahilal cherib'il eerib'.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Salmos 73:12

K'ehomaqeb' reetal: eb' li yib'ru xna'leb' junelik sa wankeb' ut k'ajo' naq neke'xtamresi xb'ihomaleb'.

Jeremías 7:6

wi ink'a' chik teerahob'tesi li jalaneb' xtenamit, eb' li neb'a'yox ut eb' li xmalka'an, chi moko teekamsiheb' chik leeras eeriitz'in li maak'a'eb' xmaak, sa' li na'ajej a'in; wi ink'a' chik teeloq'oni ruheb' li jalanil yos li yookex wi' xsik'b'al li rahilal sa' eeb'een,

1 Corintios 5:1

Yalaq b'ar na'ab'imank resil naq wank li jo'maajo'il na'leb' sa' eeyanq, k'ajo' xyib'al ru a'an. Chi moko sa' xyanqeb' li maak'a'eb' xpaab'aal na'uxmank chi jo'kan! Wank jun sa' eeyanq li wank cho'q rixaqil li xkab' xna'!

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Jeremías 2:33

“Q'axal tzolb'ilat chi xsik'b'aleb' li neke'rahink aawu; a'atqeb' laj yumb'eet neke'xtzol re aawik'in!

Salmos 119:70

Jwal kaw xch'ooleb' a'an, chanchan sutsu chi xeeb'; a'ut laa'in wank xsahil li waanm rik'in laataqlahom.

Salmos 72:4

Chixkol taxaq eb' li neb'a', chixtenq'aheb' li toq'ob'eb' ru ut chixsachaq xwankil li narahob'tesink reheb'.

Li xHu LAJ JOB 12:6

Saheb' sa' xch'ool eb' laj elq' sa' rochocheb'; sa wankeb' li neke'xtz'eqtaana li Yos: sa' xch'ooleb' naq li Yos wank rub'el roqeb'!

Jeremías 22:3

B'aanuhomaq li tiikilal ut li k'ulub'ej, kolomaqeb' li yookeb' chi rahob'tesiik, meemajewa chi moko cherahob'tesi laj ab'l tenamit, li neb'a'yox ut li xmalka'an. Meekamsi li maak'a'eb' xmaak, sa' li na'ajej a'in.

Salmos 73:4

Eb' a'an maak'a' k'a'ux wi' li xch'ooleb', q'axal kaweb' ut ninq xtib'eleb';

Proverbios 15:25

Li Qaawa' naxjuk' li xjunkab'al li q'etq'et, ab'an naxk'aak'ale li xch'och' li xmalka'an.