Jeremías 5:23 - Q'eqchi Bible

²³ Ab'an li tenamit a'in a'an aj b'alaq', jip li xch'ool ut q'etq'et; xine'xtz'eqtaana ut xkoheb'.

Li Santil hu

²³ Abanan eb li tenamit aꞌin cauheb xchꞌo̱l ut kꞌetkꞌeteb. Xineꞌxtzꞌekta̱na ut nequeꞌxba̱nu li cꞌaꞌru nequeꞌraj.

Jeremías 5:23 ပူးပေါင်းရင်းမြစ်များ

Jeremías 6:28

Chixjunileb' jwal kaweb' li xjolom, chanchaneb' li q'anch'iich' ut li ki'ch'iich'; q'etq'eteb' chixjunileb' ut junes q'ab'ank neke'xb'aanu.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Salmos 95:10

Chiru ka'k'aal chihab' ke'xpo' linch'ool eb' li tenamit a'an, ut kinye: «Li tenamit a'in q'axal b'ach'b'ach'eb', ink'a' neke'raj xtaaqenkil linb'e».

Deuteronomio 21:18

“Mare junaq winq wank junaq ralal yib'ru xna'leb' ut q'etq'et, li ink'a' narab'i xyaab' xkux li xna' xyuwa'. Us ta naq'use'k, ab'an ink'a' na'ab'ink chiru li xna' xyuwa'.

Hebreos 3:12

Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos.

Oseas 4:8

Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Isaías 31:6

Ex ralal xk'ajol laj Israel, sutq'inqex chaq rik'in li q'axal xexnajto'k wi' naq xeq'et li raatin.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Salmos 78:8

Re naq ink'a' te'xb'aanu kama'eb' li xna' xyuwa'eb': eb' a'an tz'aqal aj q'etoleb' aatin chaq ut kaweb' xjolom, a'aneb' jun tenamit li kok'aq xsa' nach'inank xch'ool ut naxq'et li xchaq'rab' li Qaawa'.

Jeremías 4:17

Jo'keb' laj k'aak'alenel ch'och' naq te'xsut Jerusalén xb'aan naq xq'etq'eti rib' chiwu -chan li Qaawa'-.

Sofonías 3:1

Ra chaalel sa' xb'een Jerusalén, li tenamit q'etq'et, muxb'il ru ut aj rahob'tesinel.

Deuteronomio 31:27

Xb'aan naq ninnaw chi us naq q'etq'etex ut kaw leejolom. A' wachik anaqwan, naq toj wankin sa' eeyanq, q'etq'etex chiru li Qaawa', ma toja' ta chik naq tinkamq!