Jeremías 5:22 - Q'eqchi Bible

²² Ma ink'a' nekexiwa wu laa'in? -chan li Qaawa'-. Ma ink'a' teesiksiki eerib' xb'aan eexiw chiwu? Laa'in kink'e li samahib' cho'q xramleb' li palaw, a'an jun nub'ajl li ink'a' naru xq'axb'al. Us ta te'wakliiq li xkawil oq li ha' ut kaw te'eek'anq, ab'an ink'a' te'nume'q sa' xb'een.

Li Santil hu

²² ¿Ma incꞌaꞌ te̱xucua cuu? Ut, ¿ma incꞌaꞌ sicsotkex xban e̱xiu chicuu? La̱in xinqꞌuehoc re li samaib re xrambal li palau chi junelic. Usta nasaqꞌueꞌ xban li rok haꞌ, abanan li haꞌ incꞌaꞌ ta̱numekꞌ jun pacꞌal li samaib li quinqꞌue saꞌ xnaꞌaj.

Jeremías 5:22 ပူးပေါင်းရင်းမြစ်များ

Salmos 104:9

Aran karaq reetalil b'arwi' naru te'wanq, re naq ink'a' chik taab'ut'irq li ruuchich'och'.

Li xHu LAJ JOB 26:10

Sa' xb'een li palaw kixraq xnub'ajlil li kutan ut li q'oqyink.

Proverbios 8:29

naq kixraq li xna'aj li palaw re naq ink'a' taa'elq li ha'; naq kixk'e li rub'elankil li ruuchich'och',

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

Deuteronomio 28:58

“Wi ink'a' taak'e aach'ool chi xk'anjelankil chixjunil li raatinul li chaq'rab' a'in, li tz'iib'anb'il sa' li tasb'il hu a'in, ut wi ink'a' taawoxloq'i li xloq'laj k'ab'a' li Qaawa' laaYos, li Nimajwal,

Nahum 1:4

Naxch'iila li palaw ut naxk'e chi chaqik; naxchaqihob'resi ajwi' eb' li nima'. Chiru li Qaawa' neke'tz'umak li xpimul Basán ut Karmeel, ut neke'chaqik eb' li uutz'u'uj re Líbano.

Jeremías 10:7

Ani ink'a' taaxiwanq aawu, at xReyeb' li xninqal ru tenamit? Relik chi yaal naq aak'ulub' naq xiwanb'ilaq aawu. Sa' xyanqeb' chixjunileb' li wankeb' xna'leb' ut sa' xyanqeb' li awab'ej sa' ruuchich'och' maajun chik wank jo' laa'at, at Qaawa'.

San Marcos 4:39

Li Jesus ki'ajk ru, kixq'us li iq' ut kixye re li palaw: —Matchoqink! Ch'anaqat! Kich'anaak li iq' ut kichalk jun nimla tuqtuukilal.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Amós 9:6

Li Qaawa' kixyiib' li xmuheb'aal sa' choxa ut kixk'ojob' li kupku sa' xb'een li ruuchich'och'. A'an naxch'utub' li xha'el li palaw ut naxhoy chaq sa' xb'een li ruuchich'och'. Li xk'ab'a' a'an Qaawa'.

Salmos 99:1

Li Qaawa' na'awab'ejink, ut neke'xiwak eb' li tenamit. Nak'ojlaak sa' xb'eeneb' li kerubín, ut na'eek'ank chixjunil li ruuchich'och'.

Salmos 33:7

Naxch'utub' xha'el li palaw kama' sa' junaq kuk, ut naxk'eheb' sa' xna'aj xk'ihaleb' xchamal li ha'.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

San Lucas 12:5

Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Génesis 1:9

Toja' naq li Yos kixye: “Chixjunaji rib' li ha' li wank rub'el li choxa sa' junaj chi na'ajej ut chik'utunq li chaqi ru”. Ut jo'kan ki'uxk.

Li xHu LAJ JOB 38:8

Ani kitz'apok roq li palaw, naq a'an ki'elk chaq sa' li ch'och'?

Salmos 46:3

Jo'kan naq ink'a' nokooxiwak, us ta taa'eek'asiiq li ruuchich'och' ut te't'ane'q li tzuul sa' xchamal li palaw.

Isaías 64:2

Wi ta te'xnaw laak'ab'a' eb' li xik' neke'ilok aawe, te'xk'ul raj jo' naq na'ok xxamlel li chaqipim malaj nawoqxink li ha' xb'aan xtiqwal li xam. Eb' li xninqal ru tenamit te'ok raj xxiw chawu,

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Amós 4:12

“Jo'kan naq juntaq'eet ajwi' tinb'aanu eere, ex aj Israel. Kawresihomaq eerib' chi xk'ulb'al li Qaawa' leeYos sa' li raqb'a aatin, ex ralal xk'ajol laj Israel”.

1 Reyes 13:28

ut a'an koho ut koxtaw chi jiljo li kamenaq sa' b'e, xaqxookeb' li b'uur ut kaqkoj chi xk'atq. Li kaqkoj toj maji' naxtiw li kamenaq chi moko naxt'upi li b'uur.

Li xHu LAJ JOB 37:24

Jo'kan naq naxiwaak ru xb'aaneb' li poyanam. Jo'k'ihaleb' wankeb' xna'leb' tento naq te'roxloq'i.

Jeremías 31:35

Jo'ka'in kixye li Qaawa', li kixk'e li saq'e cho'q xsaqenk li kutan, li po ut eb' li chahim cho'q xsaqenkil li q'oqyink, ut na'eek'asink re li palaw re naq kaw taa'ab'imanq li xkaw oq; li Qaawa', li Nimajwal Yos, a'an li xk'ab'a':

Jonás 1:16

Ut eb' li winq a'an naq ke'ril li xk'ulmank, ke'xpaab' li Qaawa' chi anchaleb' xch'ool, ke'mayejak chiru ut wank k'a'aq chik ru ke'xyeechi'i re.