Jeremías 49:7 - Q'eqchi Bible

⁷ Jo'ka'in kixye li Nimajwal Yos chirixeb' laj Edom: “Ma maak'a' chik li chaab'il na'leb' aran Temán? Ma x'oso'k li seeb'al k'a'uxl rik'ineb' li wankeb' xna'leb'? Ma xsachk tab'i' li chaab'il na'leb'?

Li Santil hu

⁷ Joꞌcaꞌin quixye li Ka̱cuaꞌ li nimajcual Dios chirixeb laj Edom: —¿Ma ma̱cꞌaꞌ chic xnaꞌlebeb li cuanqueb Temán? ¿Ma incꞌaꞌ chic naru teꞌxqꞌue xnaꞌlebeb li tenamit laj qꞌuehol naꞌleb? ¿Ma xsach lix naꞌlebeb?

Jeremías 49:7 ပူးပေါင်းရင်းမြစ်များ

Jeremías 49:20

“Jo'kan naq ab'ihomaq li tinb'aanu laa'in, li Qaawa', reheb' laj Edom, k'aru xink'uub' xb'aanunkil reheb' laj Temán. Jukunb'il naq te'isiiq eb' li raleb' li karneer, ut li xna'ajeb' taasache'q ru.

Jeremías 25:21

eb' laj Edom, eb' laj Mohab ut eb' li ralal xk'ajol laj Amón;

Génesis 36:15

A'aneb' a'in laj jolominel reheb' li ralal xk'ajol laj Esaú. Sa' xyanqeb' li ralal laj Elifás, xb'een ralal laj Esaú, a'aneb' a'in: laj Temán, laj Omar, laj Sefó, laj Kenás,

Génesis 25:30

kixye re laj Jakob: “Ab'i, k'e b'ayaq chinyal li xkaqal ru laatzekemq, xb'aan naq xinlub'k” (jo'kan naq aj Edom ajwi' kixk'ab'a'in laj Esaú).

Li xHu LAJ JOB 2:11

Oxib'eb' li ramiiw laj Job ke'rab'i resil li rahilal kichalk sa' xb'een; ke'elk sa' li tenamit wankatqeb' wi' ut koheb' chi xk'ojob'ankil xch'ool ut xkotzb'al b'ayaq li xrahilal. A'aneb' a'in xk'ab'a'eb': laj Elifás aj Temán, laj Bildad aj Súaj ut laj Sofar aj Nahamat.

Génesis 36:11

Eb' li ralal xk'ajol laj Elifás a'aneb' a'in li xk'ab'a': laj Temán, laj Omar, laj Sefó, laj Katán ut laj Kenás.

Habacuc 3:3

Yo chi chalk li Qaawa' toj aran Temán; toj sa' li tzuul Parán yo chi chalk li jwal nim xsantilal. Li xnimal xwankil naxkupu li choxa ut nujenaq li ruuchich'och' rik'in li xloq'al.

Joel 3:19

Ejiipt taasache'q chi junajwa ut Edom nakirnak taakanaaq jo' li chaqich'och', xb'aan li rahilal ke'xb'aanu reheb' laj Judá, naq ke'xkamsi li maak'a'eb' xmaak sa' li xtenamiteb'.

Daniel 11:41

Moqon chik taa'ok sa' li xchaq'alil ru na'ajej, ut naab'aleb' te'kamsiiq aran; ab'anan te'xkol rib'eb' laj Edom, eb' laj Mohab ut li xk'ihaleb' laj Amón.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Isaías 29:14

Jo'kan naq toj yooqin xb'aanunkil xninqal eetalil ut sachb'ach'oolej rik'in li tenamit a'in. Taapo'q li xna'leb'eb' li wankeb' xna'leb' ut taasachq xk'a'uxl li seeb'eb' xch'ool”.

Salmos 137:7

At Qaawa', che'jultijo'q taxaq aawe eb' laj Edom naq xe'xye chaq sa' xkutankil li xsachik Jerusalén: “Juk'umaq, juk'umaq toj reetal chixjunil li rub'elankil!”.

Li xHu LAJ JOB 4:1

Laj Elifás kixye re laj Job:

1 Crónicas 1:53

laj Kenás, laj Temán, laj Mibsar,

Deuteronomio 23:7

“Maatz'eqtaana laj Edom, xb'aan naq aawas aawiitz'in. Maatz'eqtaanaheb' laj Ejiipt, xb'aan naq katwank chaq sa' li xtenamiteb'.

Génesis 36:34

Naq kikamk laj Jobab, a' chik laj Jusán ki'awab'ejink sa' xna'aj, xkomoneb' laj Temán.

Génesis 36:8

Jo'kan naq koxkanaaq laj Esaú sa' li na'ajej Seír (laj Esaú aj Edom ajwi' nayeemank re).

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Génesis 32:3

Laj Jakob kixtaqlaheb' xtaql chi uub'ej rik'in laj Esaú li ras, sa' li na'ajej Seír, sa' xteepal Edom,

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Jeremías 25:23

eb' li xteepalileb' laj Dedán, eb' laj Temá, eb' laj Bus ut chixjunileb' li neke'xjo li xjolomeb';

Ezequiel 32:29

“Arin ajwi' wank Edom rochb'eeneb' li x'awab'ej ut eb' xninqal ru winq. Us ta q'axal kaweb' rib' naq xe'wank, anaqwan muqb'ileb' rochb'eeneb' li xe'kamsiik sa' li raaxiik', rochb'eeneb' li maak'a'eb' xpaab'aal, sa' xyanqeb' li wankeb' sa' xna'ajeb' li kamenaq.

Isaías 21:11

Resilal li rahilal tixk'ul li tenamit Edom: Jun li winq kixpatz' chaq we toj Seír: “At aj k'aak'alenel, jo'q'e honal wanko re li q'oqyink? At aj k'aak'alenel, jo'q'e honal wanko re li q'oqyink?”, chan.

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.