Jeremías 49:32 - Q'eqchi Bible

³² Elq'ahomaq eb' li xkameey ut eechanihomaq chixjunil li xketomqeb'. Sa' xkaaxukuutil li ruuchich'och', tincha'cha'i chixjunileb' li neke'xjo li xjolomeb' ut yalaq b'ar tink'am chaq li rahilal sa' xb'eeneb' -chan li Qaawa'-.

Li Santil hu

³² Teꞌchapekꞌ ut teꞌcꞌamekꞌ eb lix camello ut eb lix queto̱mk. La̱in tinjeqꞌuiheb ru ut tintaklaheb saꞌ najtil tenamit. Chanchan nak teꞌcꞌamekꞌ xban ikꞌ. Raylal ta̱cha̱lk saꞌ xbe̱neb yalak bar, chan li Ka̱cuaꞌ.

Jeremías 49:32 ပူးပေါင်းရင်းမြစ်များ

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Ezequiel 5:10

Wanqeb' na'b'ej yuwa'b'ej te'xtiw eb' li ralal xk'ajol ut wanqeb' alal k'ajolb'ej te'xtiw li xna' xyuwa' sa' eeyanq. Tinraqoq aatin sa' eeb'een, ut tincha'cha'iheb' junsut junrub'el choxa jo'k'ihaleb' li xe'kole'k.

Jeremías 49:36

Sa' xkaaxukuutil li ruuchich'och' te'chalq li kaahib' chi iq', re naq te'xcha'cha'iheb' laj Elam sa' chixjunil li ruuchich'och' ut yalaq b'ar te'wulaq chi xkolb'al rib'eb'.

Jeremías 25:23

eb' li xteepalileb' laj Dedán, eb' laj Temá, eb' laj Bus ut chixjunileb' li neke'xjo li xjolomeb';

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

Jeremías 9:25

Xyehom li Qaawa': “Chalk re xkutankil naq tink'ajtesi ruheb' chixjunil li tenamit li xk'ulumeb' li sirkunsisyon ka'ajwi' sa' li xjunxaqalileb':