Jeremías 49:24 - Q'eqchi Bible

²⁴ Eb' laj Damaask xe'ch'inank xch'ool ut okeb' re chi elelik. Neke'siksotk xb'aan xxiweb'; k'ajo' li rahilal yookeb' chi xk'ulb'al, jo' junaq ixq li ok re chi alank.

Li Santil hu

²⁴ Incꞌaꞌ chic cauheb xchꞌo̱l laj Damasco. Yo̱queb chi e̱lelic xban xxiuheb. Cꞌajoꞌ li raylal yo̱queb chixcꞌulbal. Chanchaneb jun li ixk oc re chi qꞌuira̱c.

Jeremías 49:24 ပူးပေါင်းရင်းမြစ်များ

San Mateo 24:8

Chixjunil a'in a'anaq li xtiklajik li nimla rahilal.

Isaías 13:8

Q'axal te'siksotq xb'aaneb' xxiw, te'ayaynaq ut te'eek'anq jo' junaq ixq ok re chi alank. Yal te'xka'yahatq aj chik rib' ut kaqmoqinkaqeb' xb'aaneb' xxutaan.

Jeremías 6:24

Ut eb' laj Jerusalén ke'xye: “Naq xqab'i li esilal a'in, xookanaak chi maak'a' chik qametz'ew xb'aan qaxiw; k'ajo' naq xmayok sa' li qach'ool chi k'oxlak ut ra wanko jo' junaq ixq ok re chi alank.

Jeremías 50:43

Naq li awab'ej re Babilonia xrab'i resileb', k'ajo' naq xchalk xxiw ut nasiksotk; xmayok li xch'ool jo' junaq ixq ok re chi alank.

Génesis 3:16

Li Qaawa' Yos kixye re li ixq: “Naab'al li rahilal tinteneb' sa' aab'een jar wa wanqat sa' yu'am, ut rik'in rahilal tat-alanq. Ab'an taawataw ru laab'eelom ut a'an taataqlanq sa' aab'een”.

Jeremías 4:31

Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Jeremías 30:6

Ayuqex chi xpatz'b'al ut k'ehomaq reetal: ma na'alank junaq winq? Wi ink'a', k'a'ut naq eb' li winq neke'xchap li xyi rixeb', chanchaneb' chik li ixq okeb' re chi alank? K'a'ut naq saqkirinkeb' aj chik neke'ilok?

Jeremías 48:41

Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.

Jeremías 49:29

Eechanihomaq li rochocheb' ut li xketomqeb', li xmuheb'aaleb' ut chixjunil li nak'anjelak reheb'. Maq'omaq eb' li xkameey chiruheb' ut japomaq eere chi xyeeb'al: «Yalaq b'ar yo li raaxiik'!», cha'qex.

Jeremías 49:37

Tink'eheb' chi xiwak eb' laj Elam chiruheb' li xik' neke'ilok reheb', a'eb' li neke'ajok xkamsinkileb'; ut tink'am chaq li rahilal sa' xb'eeneb', a' li xxamlel linjosq'il -chan li Qaawa'-.

Oseas 13:13

Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

San Marcos 13:8

Xb'aan naq te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej; talaje'wanq hiik sa' naab'al chi na'ajej ut taawanje'q we'ej: a'inaq xtiklajik li nimla rahilal.