Jeremías 49:19 - Q'eqchi Bible

¹⁹ “Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

Li Santil hu

¹⁹ La̱in tincuisiheb laj Edom saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Jeremías 49:19 ပူးပေါင်းရင်းမြစ်များ

Jeremías 12:5

“Wi nakatlub'k chi aanilak chirixeb' li neke'xik chi roqeb' -chan li Qaawa'-, chanru taawaj xyalb'al aawu rik'ineb' li neke'xik chirixeb' li kawaay? Wi ch'i'ch'i' wankat sa' jun li na'ajej maak'a' wi' ch'a'ajkilal, k'aru taab'aanu naq wanqat sa' xk'iche'il Jordán?

Jeremías 30:21

Sa' xyanqeb' a'an taawakliiq li taajolominq reheb'; rik'ineb' a'an taa'elq li taa'awab'ejinq reheb'. Tinb'oq chink'atq ut a'an taachalq wik'in, xb'aan naq ani tixkawu xch'ool chi jilok chink'atq? Laa'exaq lintenamit ut laa'inaq leeYos”, chan li Qaawa'.

Li xHu LAJ JOB 41:10

Wi junaq tixchiq' xjosq'il, k'ajo' naq taajosq'o'q: maa'ani naru tixkol rib' chiru.

Li xHu LAJ JOB 9:19

Li Yos q'axal kaw rib' chiwu, ut wi ta tinb'oq chaq sa' raqleb'aal aatin, ani truuq tixmin ru chi chalk?

Josué 3:15

Ab'anan naq eb' laj tij ke'ok sa' li nima' ut li roqeb' ke'xch'e' li ha' chire li nima' Jordán (sa' xq'ehil li q'olok nab'ut'irk li nima' Jordán),

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Apocalipsis 6:17

Xb'aan naq xtaw xq'ehil li xnimal xkutankil li tojb'amaak, ut ani taaruhanq chi xkuyb'al a'an?”.

Zacarías 11:3

Eb' laj ilol ketomq yookeb' chi yaab'ak, xb'aan naq maak'a' chik li pach'aya' li kaw wi' xch'ooleb'. Na'ab'imank xyaab'eb' li kaqkoj, xb'aan naq x'oso'k li raxpim chire li nima' Jordán.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Isaías 40:25

“Ani ut nikineejuntaq'eeta wi' laa'ex malaj ani juntaq'eet wik'in?”, chan li Qaawa', li q'axal Sant.

Salmos 143:2

Matraqok aatin sa' inb'een, xb'aan naq maajun junaq maak'a' ta xmaak chawu.

Salmos 89:8

Xiwajel ru li Yos sa' xch'utameb' li ánjel, jwal nim xwankil chiruheb' li jo'k'ihal wankeb' chi xk'atq.

Salmos 89:6

At Qaawa', li choxa naxnima aawu xb'aan laasachb'ach'oolej, ut li xch'utameb' li ánjel naxye resil li xtiikilal laach'ool.

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

Li xHu LAJ JOB 9:21

Maak'a' inmaak, ab'an ink'a' nink'oxlak chirix li k'aru taak'ulmanq. Ink'a' chik ninra linyu'am.

1 Crónicas 12:15

A'aneb' a'in li ke'nume'k junpak'al li nima' Jordán sa' li xb'een po, naq yo chaq chi b'ut'irk li nima' toj chire li pim, ut ke'raanilasi chixjunileb' li wankeb' chiru taq'a, sa' releb'l ut sa' rokeb'l saq'e.

Números 16:5

ut kixye re laj Koré ut chixjunileb' li rochb'een: “Wulaj eq'la li Qaawa' tixk'e chi nawe'k ani li sik'b'il ru, ani li xsantob'resihom, li taaruhanq chi nach'ok rik'in. Li sik'b'il ru xb'aan li Qaawa', a'an truuq taanach'oq rik'in.

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.

2 Crónicas 20:6

ut kixye: “At Qaawa', xYosat eb' li qana' qayuwa', ma ink'a' tab'i' laa'at xYosat li choxa ut wank aawankil sa' xb'eeneb' chixjunil li x'awab'ejihom li ruuchich'och'? Sa' laawuq' laa'at wank li kawilal ut li wankilal, ut maajun nakuyuk aasumenkil.

Salmos 76:8

Laa'at xiwajel aawu; ani ta tixkuy wank chawu naq nachalk laajosq'il?

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Daniel 7:4

Li xb'een xul chanchan li kaqkoj na'ilok ut wankeb' xxik' jo' li t'iw. Naq yookin chi rilb'al, ki'isiik li xxik', kiwaklesiik chiru ch'och' ut kixxaqab' rib' jo' junaq winq; ut kik'ehe'k xna'leb' re k'oxlak jo' junaq poyanam.