Jeremías 49:17 - Q'eqchi Bible

¹⁷ “Xiwajelaq chik rilb'al Edom. Jo'k'ihaleb' li te'nume'q aran, te'sachq xch'ool chi rilb'al ut te'xse'e chixjunil li rahilal xk'ulum.

Li Santil hu

¹⁷ Xucuajel chic rilbaleb laj Edom teꞌcana̱k. Chixjunileb li teꞌnumekꞌ aran teꞌsach xchꞌo̱leb ut teꞌxhob xban li cꞌaꞌru teꞌxcꞌul.

Jeremías 49:17 ပူးပေါင်းရင်းမြစ်များ

Ezequiel 35:7

Joxk' ch'och' tinkanab' li tzuul Seír, ut maajun chik tinkanab' chi nume'k aran.

Jeremías 50:13

Xb'aan linjosq'il xinkanab' chi nakirirnak ut maajun chik xpoyanamil. Chixjunil li taanume'q aran Babilonia taasachq xch'ool ut taase'eq chi rilb'al li rahilal xk'ulum.

Jeremías 49:13

Xb'aan naq xinye injurament naq li tenamit Bosrá taasache'q ru, tz'eqtaananb'ilaq ut majewanb'ilaq; ut nakirirnak te'kanaaq chixjunileb' li xtenamitul chi junwaakaj”.

Jeremías 51:37

ut li tenamit a'an taakanaaq jo' jun tuub' chi pek, cho'q xna'ajeb' laj xojb', tz'eqtaananb'ilaq ut xiwajelaq rilb'al; ut maajunaq poyanam taawanq chisa'.

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

1 Reyes 9:8

Ut chixjunileb' li te'nume'q chiru li xchaq'alil ru ochoch a'in, naq po'lemaq aj chik, te'sachq xch'ool, te'se'eq ut te'xpatz'i rib' chirib'ileb' rib': «K'a'ut anchal naq li Qaawa' xb'aanu chi jo'kan re li tenamit ut li ochoch a'in?», cha'qeb'.

Sofonías 2:15

Jo'ka'in te'kanaaq li q'axal sa sa' xch'ooleb' naq xe'wank, li tenamit kaw rib' naq naxk'oxla, li naxye sa' xch'ool: “Ka'ajin wi' ut maa'ani chik junaq!”. Ilomaq! Nakirirnak xkanaak, ut xna'ajeb' chik li josq' aj xul. Chixjunileb' li te'nume'q chi xk'atq te'xuxb'aq ut te'xb'anb'ani li xjolomeb'.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Ezequiel 35:15

Jo' naq xsaho'k laach'ool naq xsache'k ru li na'ajej reechanihom laj Israel, jo'kan ajwi' tinb'aanu aawe: joxk' ch'och' tatinkanab', at tzuul Seír, at xteepal Edom. Toja' naq taanawmanq naq laa'in li Qaawa'».

Ezequiel 25:13

Jo'kan naq laa'in, li Qaawa', ninye: Tintaqsi li wuq' chi xrahob'tesinkileb' laj Edom ut tinsacheb' li winq ut li xul sa' xyanqeb'. Joxk' tinkanab' li xch'och'eb' ut, chalen Temán toj Dedán, te'kamsiiq chi ch'iich' eb' li poyanam.

Deuteronomio 29:22

Eb' li toj te'yo'laaq, a'eb' leeralal eek'ajol li te'chalq cherix laa'ex, jo' ajwi' eb' li jalan xtenamiteb' chalenaqeb' chaq chi najt, naq te'ril li xninqal rahilal ut yajel taarahob'tesiiq wi' li na'ajej a'in xb'aan li Qaawa', te'xjap re chi xyeeb'al:

Ezequiel 27:36

Eb' laj yakonel li wankatqeb' sa' jalan tenamit, k'ajo' naq neke'xuxb'ak chawix; jwal xiwajel aj chik xatkanaak ut xat-oso'k chi junajwa»”.

Ezequiel 35:3

chi jo'ka'in: «Jo'ka'in xye li Qaawa': At tzuul Seír, laa'in xik' nakatwil. Tinye' li wuq' sa' aab'een re aarahob'tesinkil, ut chaqich'och' tatinkanab' wi'.