Jeremías 48:46 - Q'eqchi Bible

⁴⁶ Ra chaalel sa' aab'een, a Mohab! Oso'jenaqat chik, at tenamit Kamós: xe'isiik eb' laawalal aak'ajol sa' li xna'ajeb' ut xe'k'ame'k chi preexil.

Li Santil hu

⁴⁶ Raylal ta̱cha̱lk saꞌ xbe̱neb laj Moab. Queꞌsacheꞌ ruheb li tenamit li queꞌxlokꞌoni li dios Quemos. Queꞌchapeꞌ ut queꞌcꞌameꞌ chi pre̱xil eb li ralal xcꞌajol.

Jeremías 48:46 ပူးပေါင်းရင်းမြစ်များ

Números 21:29

Toq'ob' aawu, a Mohab, xat-oso'k, at tenamit Kamós. Xakanab'eb' chi elelik laawalal, ut eb' laarab'in xe'k'ame'k chi preexil xb'aan laj Sijón, awab'ej re Amor.

Jeremías 48:13

Toja' naq Mohab taaxutaanaq xb'aan laj Kemós, li xyos, jo' naq ke'xutaanak eb' laj Israel xb'aan Betel, li q'axal ke'xkawu wi' xch'ooleb'.

Jeremías 48:7

“At Mohab, laa'at xak'ojob' laach'ool rik'in laab'ihomal ut laab'aanuhom, ab'anan tat-eechaniiq ajwi' laa'at. Laj Kamós, laayos, taak'ame'q chi preexil rochb'eeneb' laj tij ut li xninqaleb' ru winq.

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

Jueces 11:24

Ma ink'a' tab'i' ak wank aawe chixjunil li ch'och' li kixsi aawe laj Kamós laayos? Jo'kan ajwi' laa'o. Chixjunil li kixsi qe li Qaawa' li qaYos chi qeechani, a'an qe laa'o.

2 Reyes 23:13

Li awab'ej kixmux ajwi' eb' li tijob'aal li wankeb' chi tzuul chiru Jerusalén, sa' xjayal rokeb'l iq' re li tzuul Oliiw, li ke'yiib'aak xb'aan laj Salomón, awab'ej re Israel, sa' xk'ab'a' lix Astarté, xyoseb' laj Sidón, sa' xk'ab'a' laj Kemós, xyoseb' laj Mohab, ut sa' xk'ab'a' laj Milkón, xyoseb' laj Amón.

Isaías 16:2

Chanchaneb' li xik'anel xul li xe'isiik sa' li xsukeb', jo'kaneb' laj Mohab chi q'axonk junpak'al li nima' Arnón.