Jeremías 48:38 - Q'eqchi Bible

³⁸ “Sa' xb'eeneb' li kab'l ut sa'atqeb' li b'e re Mohab junes yaab'ak na'ab'imank, xb'aan naq kok'putz' xinkanab' Mohab jo' junaq ch'och'uk'al li maak'a' na'ok wi'”, chan li Qaawa'.

Li Santil hu

³⁸ Yalak bar yo̱queb chi ya̱bac xban nak la̱in xinsach ru li naꞌajej Moab. Yo̱queb chi ya̱bac saꞌ xbe̱neb li cab ut saꞌ eb li cꞌayil. Li tenamit chanchan jun li cuc li xjoreꞌ ut ma̱ ani na-ajoc re, chan li Dios.

Jeremías 48:38 ပူးပေါင်းရင်းမြစ်များ

Jeremías 22:28

Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?

Jeremías 25:34

Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

Apocalipsis 2:27

Tixb'eresiheb' rik'in b'aar ch'iich', tixsacheb' xwankil jo' naq neke'jore'k li pak'b'il sek',

Oseas 8:8

“Xsache'k xwankil laj Israel, chanchan naq xnuq'e'k lintenamit. Ut anaqwan wank sa' xyanqeb' laj ab'l tenamit, kama' junaq sek' li maak'a' chik xk'anjel.

Isaías 30:14

Texsache'q jo' naq najormank junaq ch'och' sek' li na'oso'k chi junajwa; ut maak'a' chik nakanaak cho'q re xokok ru xam chi moko re raj lekok ha' sa' junaq kuk”.

Isaías 15:3

Xe'xk'e q'es ruhil t'ikr chirixeb'; sa'eb' li k'ayiil ut sa' xb'eeneb' li ochoch chixjunileb' jiiq' wi' xch'ooleb' chi yaab'ak.

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

San Mateo 10:27

Li k'aru ninye eere sa' aak'ab', cheye chi kutankil; ut li nekerab'i chi hasb'anb'il sa' eexik, chepuktesi resil sa' xb'een kab'l.

Jeremías 19:10

“Chirix chik a'an taaxuji li ch'och'kuk chiru chixjunileb' laawochb'een

Jeremías 19:11

ut taaye reheb': «Li Nimajwal Yos xye chi jo'ka'in: Jo'ka'in tz'aqal tinb'aanu re li tenamit a'in ut eb' li xpoyanamil, jo' naq najormank junaq ch'och'kuk, li ink'a' chik naru xyiib'ankil. Ut chixjunileb' li poyanam te'muqmanq Tófet, xb'aan naq maak'a'aq chik na'ajej re muquk.