Jeremías 48:26 - Q'eqchi Bible

²⁶ Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.

Li Santil hu

²⁶ Qꞌuehomakeb laj Moab chi cala̱c xban nak xeꞌxnimobresi ribeb chiru li Ka̱cuaꞌ. Qꞌuehomakeb laj Moab chixtolcꞌosinquil ribeb saꞌ lix xaꞌauheb. Qꞌuehomakeb laj Moab chi hobecꞌ.

Jeremías 48:26 ပူးပေါင်းရင်းမြစ်များ

Jeremías 51:39

Naq taachaqiq reheb', tink'e li ruk'a'eb' re naq tsaho'q sa' xch'ooleb'; tinkaltesiheb' re naq taasachq li xna'leb'eb', te'warq chi junajwa ut ink'a' chik taa'ajq ruheb' -chan li Qaawa'-.

Jeremías 48:42

Taajuk'manq xwankil Mohab ut moko tenamit ta chik tkanaaq, xb'aan naq xq'etq'eti rib' chiwu laa'in li Qaawa'.

Isaías 29:9

Chememi eerib' ut kanaaqex sa' leememil, mutz'umaq leeru ut mutz' texkanaaq; kalaaqex, ab'an ink'a' rik'in b'iin, taktotqex, ab'an ink'a' xb'aan li ha' nakaltesink.

Isaías 19:14

Li Qaawa' xpo'ok xna'leb'eb' re naq ink'a' us te'elq sa' li xk'anjeleb', jo'eb' li kalajenaq li nataktotk ut yo chi xxa'wankil rib'.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.

Jeremías 51:7

Babilonia chanchan jun sek' ooro naq xwank sa' wuq'; a'an xpo'ok re xna'leb' chixjunil li ruuchich'och': eb' li xninqal ru tenamit xe'ruk' li b'iin a'an ut xe'sachk xna'leb'eb'.

Jeremías 48:39

K'ehomaq reetal chanru xkanaak Mohab, xiwajel chik rilb'al. Xjipi rib' ut xutaanal xkanaak; tz'eqtaananb'il aj chik xb'aaneb' chixjunileb' li wankeb' chi xsutam.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

2 Ts 2:4

a' laj Xik'il Uuchinel. A'an naxnimob'resi rib' sa' xb'een chixjunil li wank xk'ab'a' li Yos malaj naloq'onimank sa' ruuchich'och', toj reetal toxk'ojlaaq sa' rochoch li Yos ut tixxaqab' rib' xjunes jo' Yos.

Habacuc 2:16

Taanujob'resi aawib' rik'in xutaan ut ink'a' rik'in loq'al, xb'aan naq li Qaawa' tixk'e chawuk' laaha' ut tatxkanab' chi t'ust'u.

Nahum 3:11

Chanchan tatkalaaq naq te'xsach aana'leb'; laa'at taamuq aawib' ut taayal xsik'b'al b'ar taakol aawib' chiruheb' li xik' neke'ilok aawe.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.

Lamentaciones 3:15

Li Qaawa' xinxnujob'resi chi rahil ch'oolej; k'ajo' xk'ahil li ha' xk'e chi wuk'.

Lamentaciones 1:21

Chinaawab'i ta chi yaab'ak: maa'ani nak'ojob'ank li waanm. Eb' li xik' neke'ilok we xe'rab'i resil li rahilal xak'e sa' inb'een, ut neke'saho'k xch'ool rik'in li yookin chi xk'ulb'al. Chichalq ta li Kutan yeeb'il aab'aan, re naq te'xk'ul ajwi' eb' a'an li yookin chi xk'ulb'al laa'in.

Jeremías 51:57

Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Isaías 63:6

Xinyeq'iheb' li tenamit xb'aan linjosq'il, xinsach ruheb' ut li xkik'eleb' xb'eek chiru ch'och' naq xe'oso'k”.

Isaías 51:17

Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

Isaías 10:15

Ma nim tab'i' xwankil li maal chiru li nach'e'ok re? Ma nanumtaak tab'i' li setleb' che' chiru li na'eek'asink re? Chanchan tawi' naq li xuq' nataqlank sa' xb'een li nach'e'ok re, kama' tawi' naq li che' na'eek'asink re li winq.

Salmos 75:8

a' li Qaawa' laj raqol aatin: jun ta tixsach xwankil, ut jun ta chik tixk'e xloq'al.

Salmos 60:3

At Qaawa', xatjosq'o'k sa' qab'een, xoohaatz'eqtaana ut xoohaajuk'; choohaawaklesi wi' chik anaqwan!

Salmos 59:8

Chak'eheb' reetal chanru neke'aatinak: li xtz'uumal reheb' chanchaneb' ch'iich': “Ma wank ta junaq taa'ab'inq qe?”, chankeb'.

Salmos 2:4

A'ut Li nak'ojlaak sa' choxa nase'ek chaq, li Qaawa' naxtz'eqtaanaheb'.

Li xHu LAJ JOB 9:4

Ani truuq tixkawu rib' chiru li Yos, ut us taa'elq chiru li xchoxahil na'leb' li Qaawa' jo'wi' chiru li xnimal xwankil?

Éxodo 9:17

Laa'at toj nakaram relikeb' lintenamit:

Isaías 28:8

Chixjunileb' li meex xa'wanb'ileb' ru, ut maajun chik li na'ajej saq b'ayaq ru.

Daniel 8:10

Q'axal kik'iik toj reetal koxtaweb' li chahim chiru choxa; ut jun yiijach reheb' a'an kixt'aneb' chiru ch'och' ut kixyeq'iheb' sa' roq.

Li xHu LAJ JOB 15:25

Naxk'ul chi jo'kan xb'aan naq kixq'etq'eti rib' chiru li Yos; kiraj xnimob'resinkil rib'

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.