Jeremías 48:14 - Q'eqchi Bible

¹⁴ “K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?

Li Santil hu

¹⁴ La̱ex aj Moab, ¿cꞌaꞌut nak nequeye nak la̱ex cha̱bil soldados ut cau e̱rib chi pletic?

Jeremías 48:14 ပူးပေါင်းရင်းမြစ်များ

Salmos 33:16

Moko nakole'k ta li awab'ej xb'aan naq numtajenaqeb' laj puub', chi moko taakole'q li kaw rib' xb'aan xnimal li xmetz'ew.

Isaías 10:16

Jo'kan naq li Nimajwal Yos tixkanab'eb' li kaweb' rib' chi maak'a'eb' chik xmetz'ew, ut tixk'e xxamlel li neke'xnimob'resi rib' jo' naq nak'ate'k li chaqi si'.

Isaías 10:13

Xyehom li awab'ej re Asiria: “Xinb'aanu a'in rik'in linkawilal ut rik'in li xwankil linna'leb', xb'aan naq jwal seeb' inch'ool. Xinsach xnub'ajlileb' li tenamit, xlajweechani li xb'ihomaleb' ut xwisiheb' li awab'ej sa' li xna'ajeb' jo' junaq winq li q'axal kaw rib'.

Sofonías 2:10

A'an te'xtoj wi' li xq'etq'etil eb' laj Mohab ut aj Amón, xb'aan naq xe'xmajewa ut xe'xhob' li xtenamit li Nimajwal Yos.

Ezequiel 30:6

«Jo'ka'in xye li Qaawa': Eb' li te'tenq'anq re Ejiipt te'kamq ajwi', ut taa'oso'q li xwankil Ejiipt li naxq'etq'eti wi' rib' chalen chaq Mikdol toj Asuán. Laa'in, li Qaawa', xinyehok re a'in».

Jeremías 49:16

Xatxb'alaq'i laaq'etq'etil, xb'aan naq xiwajel aawu naq xatwank. Laa'at wankat sa' xyanqeb' li saqoonak ut kaw aach'ool rik'ineb' li najt xteramil tzuul. Us ta taayiib' laamuheb'aal chi jwal najt xteram jo' li t'iw, toj aran ajwi' tatinkub'si chaq -chan li Qaawa'-.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Jeremías 8:8

Chanru naq nekeye laa'ex: Wank qana'leb' ut qik'in wank li xchaq'rab' li Qaawa'? Ma ink'a' tab'i' xe'xjal ru linchaq'rab' eb' laj tz'iib' li junes b'alaq'il aatin neke'xye?

Isaías 16:6

Ak qab'ihom resil li xq'etq'etil eb' laj Mohab: q'etq'eteb', josq' aj winqeb' ut neke'xnimob'resi li xwankileb' chi maak'a' rajb'al.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Salmos 11:1

Re li xjolomileb' laj b'ichanel. Xsaalm laj David. Rik'in li Qaawa' ninmuhenk. K'a'ut naq nekeye we: “Elelin sa' k'iche' jo' junaq xik'anel xul?