Jeremías 48:11 - Q'eqchi Bible

¹¹ Mohab sa wank ut sa' tuqtuukilal chalen sa' li xsaajilal; maajun wa x'isiik sa' li xna'aj re ta xk'ame'k sa' jalanil tenamit. Chanchan li b'iin li ink'a' najalyaak li xna'aj, jo'kan naq ink'a' najalaak xsahil jo'wi' li xsununkil.

Li Santil hu

¹¹ Li Ka̱cuaꞌ quixye: —Junelic cꞌojcꞌo xchꞌo̱leb laj Moab. Incꞌaꞌ queꞌchapeꞌ ut incꞌaꞌ queꞌcꞌameꞌ saꞌ najtil tenamit. Chanchaneb li vino li tuktu ru li incꞌaꞌ quijaleꞌ xnaꞌaj. Incꞌaꞌ qui-el xsahil chi moco lix bo̱c.

Jeremías 48:11 ပူးပေါင်းရင်းမြစ်များ

Sofonías 1:12

“Sa' li kutan a'an tinxok linsaqenk ut tinpoqle li tenamit Jerusalén. Toja' naq tink'eheb' chi xtojb'al li xmaakeb' li k'ojk'ookeb' xch'ool ut sa yookeb' chi hilank, eb' li neke'yehok sa' xch'ooleb': «Li Qaawa' maak'a' naxb'aanu: chi moko li us chi moko li ink'a' us».

Zacarías 1:15

Jo'kan naq makach'in injosq'il sa' xb'eeneb' li tenamit a'an li maak'a' neke'xk'oxla, xb'aan naq k'ajo' chik li maa'usilal xe'xb'aanu re lintenamit naq yo b'a'b'ay injosq'il.

Nahum 2:2

Xb'aan naq li Qaawa' tixk'ojob' wi' chik li xloq'al laj Jakob ut li xwankilal laj Israel. Eb' laj elq' ke'sachok re ut ke'xkanab' jo' jun toon chi uub' li maak'a'eb' chik li ruq', ab'an li Yos tixk'e wi' chi li xloq'al ut xwankilal.

Jeremías 48:29

Naqanaw naq q'axal q'etq'eteb' laj Mohab: neke'xk'e xwankileb', neke'numtaak ut jipeb'.

Isaías 24:3

Taasache'q chi junajwa li ruuchich'och', tik maak'a' chik tkanaaq chiru, xb'aan naq jo'kan xyehom li Qaawa'.

Isaías 16:6

Ak qab'ihom resil li xq'etq'etil eb' laj Mohab: q'etq'eteb', josq' aj winqeb' ut neke'xnimob'resi li xwankileb' chi maak'a' rajb'al.

Salmos 123:4

K'ajo' naq xootitz'k chi hob'e'k xb'aaneb' li sa wankeb'; jwal nim li qatz'eqtaanankil xb'aaneb' li q'etq'eteb'.

Salmos 55:19

Us ta naab'aleb' li xik' neke'ilok we, ab'an li Yos tinxkol sa' li raaxiik' xe'xk'uub' sa' inb'een, ut tixk'e we li tuqtuukilal.

Jeremías 51:34

Jerusalén, li tenamit Sión, kixye chi jo'ka'in: “Laj Nabukodonosor, li awab'ej re Babilonia, xinxtiw ut xinxchoy; jo' junaq sek' maak'a' chik tzekemq chisa' xinxkanab'. Jo' li ranumal li palaw naq xinxnuq': xchoy chixjunil li k'aru wank we ut xkuti chi najt li ink'a' xwulak chiru. Che'xtoj ta rix eb' laj Babilonia li rahilal xe'xb'aanu we, ut eb' laj Kaldeha che'xtoj ta rix eb' linkomon xe'xkamsi”.

Isaías 25:6

Sa' li tzuul Sión li Nimajwal Yos tixyeechi'i jun ninq'e cho'q re chixjunileb' li tenamit; tixk'uub' sahil tzekemq rik'in najter b'iin ut tixk'e chaab'il tib' ut sununkil b'iin.

Proverbios 1:32

Eb' li ink'a' neke'xnaw k'oxlak neke'kamk, xb'aan naq ink'a' neke'raj xk'ulb'al li xna'leb'eb'; ut eb' li jip neke'sachk xb'aan naq ink'a' neke'xk'e xch'ool chi tzolok.

Nahum 2:10

Nakirirnak, nayamnak ut juk'ulk chixjunil, jo'ka'in naq xkanaak li tenamit Nínive. Neke'lub'je'k xb'aaneb' xxiw, neke'siksotk li roqeb', maak'a' chik xmetz'eweb' li poyanam; ut saqeb' aj chik chixjunileb' xb'aan xiwak.

Jeremías 22:21

Kin'aatinak aawik'in naq toj sa wankat chaq, ab'an laa'at kaye: «Ink'a' nawaj aawab'inkil», chankat. Jo'kan nakab'aanu chalen chaq sa' laasaajilal: maajun sut nakawaj xpaab'ankil li waatin.

Jeremías 48:12

“Ab'anan chalk re xkutankil naq laa'in tintaqlaheb' chaq laj jalonel xna'aj li b'iin: te'yamtesiiq xsa'eb' li kuk ut te'puk'iiq chi junwaakaj -chan li Qaawa'-.