Jeremías 47:6 - Q'eqchi Bible

⁶ At xch'iich' li Qaawa', toj jo'q'e tatch'anaaq chi kamsink? Ch'ik wi' chik aawib' sa' laawochoch, hilan b'ayaq ut wanqat sa' xyaalal.

Li Santil hu

⁶ La̱ex te̱jap e̱re chixyebal: —At Ka̱cuaꞌ, ¿ma incꞌaꞌ ta̱canab kacamsinquil? ¿Ma incꞌaꞌ ta̱ru̱k ta̱xoc la̱ chꞌi̱chꞌ saꞌ rochoch? ¿Ma incꞌaꞌ tathila̱nk caꞌchꞌinak?

Jeremías 47:6 ပူးပေါင်းရင်းမြစ်များ

Jeremías 12:12

Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

San Juan 18:11

Kixye ut li Jesus re laj Pedro: —K'e wi' chik laach'iich' sa' xna'aj. Ma ink'a' tab'i' tento twuk' li xsa' li sek' xk'e we linYuwa'?

Ezequiel 21:30

“K'uulahomaq li q'esnal ch'iich' sa' rochoch, ex aj Amón. Laa'in tanraqoq aatin sa' eeb'een b'arwi' xexyo'laak ut xexk'iik;

Ezequiel 14:17

“Ut wi tintaqla chaq li raaxiik' sa' li tenamit a'an ut tinye naq te'kamsiiq eb' li winq ut eb' li xul,

Jeremías 25:27

Chirix chik a'an kixye we li Qaawa': “Jo'ka'in xye li Nimajwal Yos, li xYos laj Israel: Chex'uk'aq, chexkalaaq ut chexa'waaq eerib'. Text'ane'q chiru ch'och' toj reetal naq ink'a' chik texruuq chi wakliik, xb'aan li raaxiik' li tintaqla chaq sa' eeb'een.

Jeremías 15:3

“Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Jeremías 4:21

Jo' najtil chik yooqin rilb'al li reetalil li yalok ut yooqin rab'inkil xyaab'eb' li pur?

Isaías 10:15

Ma nim tab'i' xwankil li maal chiru li nach'e'ok re? Ma nanumtaak tab'i' li setleb' che' chiru li na'eek'asink re? Chanchan tawi' naq li xuq' nataqlank sa' xb'een li nach'e'ok re, kama' tawi' naq li che' na'eek'asink re li winq.

Isaías 10:5

“Asiria a'an xk'anjelob'aal linjosq'il, a'an li tz'uum nawoksi naq yo injosq'il.

Salmos 17:13

Waklin, at Qaawa', charameb' taxaq, numtaaqat sa' xb'eeneb'; kolin rik'in laach'iich' chiruheb' li ink'a' useb' xna'leb',

1 Crónicas 21:27

Toja' naq li Qaawa' kixye re li ánjel naq tixk'uula wi' chik sa' xna'aj li xjutz' ch'iich'.

2 Samuel 2:26

Toja' naq laj Abner kixb'oq laj Johab ut kixye re: “Toj jo'q'e tqakanab' xkamsinkil qib'? Ma ink'a' nakanaw naq chixjunil a'in rahil ch'oolej toxraqe'q wi'? Jo'q'e taaye reheb' laapoyanam naq xkanab'aqeb' raanilasinkil li ras riitz'ineb'?”.

Jueces 7:20

Jo'kan ajwi' ke'xb'aanu li ox ch'uut chi aj puub': ke'xyaab'asiheb' li xukub' ut ke'xjoreb' li kuk. Sa' xtz'e uq'eb' wank li xxameb' ut sa' xnimeb' wank li xxukub'eb', ut ke'xjap re chi xyeeb'al: “Sa' xk'ab'a' li Qaawa' ut sa' xk'ab'a' laj Jedehón!”, chankeb'.

Jeremías 48:10

Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

Jeremías 50:35

“Kamsihomaqeb' chi ch'iich' eb' laj Kaldeha, sachomaq ruheb' laj Babilonia, eb' li neke'jolomink re li tenamit ut eb' laj k'ehol na'leb'.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.