Jeremías 47:2 - Q'eqchi Bible

² Li Qaawa' kixye re chi jo'ka'in: “Sa' xjayal releb'l iq' xe'chalk chaq eb' laj Babilonia jo'eb' chaq li b'ut'iha'; nab'ut'unk li na'ajej jo'wi' chixjunil li wank chisa', naxsacheb' li tenamit ut eb' li xpoyanamil. Japaqeb' re xb'aan li rahilal chixjunileb' li poyanam, ut yalaq b'ar te'yaab'aq li tenamit.

Li Santil hu

² Li Ka̱cuaꞌ quixye: —Qꞌuehomak retal. Yo̱keb chak chi cha̱lc saꞌ li norte eb laj Babilonia chixsachbal ruheb laj filisteo. Chanchan nak nabutꞌin li nimaꞌ nak yo̱keb chi cha̱lc. Chanchan nak li butꞌ ta̱numekꞌ saꞌ eb li naꞌajej ut tixsach chixjunileb li tenamit joꞌ eb ajcuiꞌ li cuanqueb chi saꞌ. Eb li cristian japjo̱keb re chi ya̱bac xban li raylal ta̱cha̱lk saꞌ xbe̱neb.

Jeremías 47:2 ပူးပေါင်းရင်းမြစ်များ

Jeremías 46:20

Q'axal xchaq'al ru naq xwank Ejiipt, chanchan jun ch'ina ixqi wakax; ab'an xchalk chaq jun li kas sa' xjayal releb'l iq' ut xolhilanq sa' xb'een.

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Jeremías 1:14

Toja' naq li Qaawa' kixye we: “Relik chi yaal naq sa' xjayal releb'l iq' taachalq li rahilal sa' xb'een chixjunil li tenamit a'in.

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Santiago 5:1

A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een.

1 Corintios 10:28

Ab'an wi junaq taayehoq eere: “A'in xmayejaak chiruheb' li yal k'oxlanb'il yos”, meetzeka xb'aan li xyehok eere, jo'wi' re naq ink'a' taa'ok xk'a'uxl.

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.

Daniel 11:22

Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.

Jeremías 48:39

K'ehomaq reetal chanru xkanaak Mohab, xiwajel chik rilb'al. Xjipi rib' ut xutaanal xkanaak; tz'eqtaananb'il aj chik xb'aaneb' chixjunileb' li wankeb' chi xsutam.

Jeremías 46:13

Li Qaawa' kiraatina laj Jeremías, li propeet, naq laj Nabukodonosor, li awab'ej re Babilonia, xik re chi xsachb'al Ejiipt:

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Isaías 28:17

Li k'ulub'ej tink'e cho'q b'isleb' sa' li xxaqab'ankil Sión, ut li tiikil ch'oolej tink'e cho'q aj tuqub'anel ru”. Li saqb'ach taasachoq re chixjunil li tik'ti' li nekekol wi' eerib', ut li b'ut'iha' taapo'oq re li nekekawub'resi wi' eech'ool.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

Isaías 15:8

Li yaab'ak xsutunk sa' chixjunil xteepal Mohab; li xq'oqeb' na'ab'imank toj Ekláhin ut toj Beher-Elín xwulak li xyaab'eb'.

Isaías 14:31

Japomaq eere chi yaab'ak, ex tenamit aj Filistea, chexxiwaq chejunilex li wankex aran, xb'aan naq sa' xjayal chaq releb'l iq' yookeb' chi chalk k'iila o'q'ob' chi aj puub' kama' li sib', ut maajun nach'inank xch'ool sa' xyanqeb'.

Salmos 98:7

Chipumb'aq xyaab' li palaw ut chixjunil li wank chisa', chi'eek'anq li ruuchich'och' ut chixjunileb' li wankatqeb' chiru.

Salmos 96:11

Chisaho'q taxaq sa' xch'ool li choxa, chiwanq nimla sahilal sa' ruuchich'och', chipumb'aq xyaab' li palaw ut chixjunil li wank chisa'.

Salmos 50:12

Wi ta tintz'okaaq, moko tojo' sa ta raj tinye aawe, xb'aan naq we li choxach'och' ut chixjunil li wank chisa'.

Salmos 24:1

Xsaalm laj David. Li Qaawa' a'an laj eechal re li choxach'och' ut chixjunil li wank chisa'.

Jeremías 6:22

Li Qaawa' kixye chi jo'ka'in: “Toj sa' xjayal releb'l iq' xkawresi chaq rib' jun tenamit q'axal kaw rib' chi yalok; jun xnimal tenamit xwakliik chaq sa' xmaril li ruuchich'och'.

Jeremías 46:12

Eb' li xninqal ru tenamit neke'xnaw chik naq xsache'k laawankil, ut chixjunileb' xe'rab'i naq jap aawe chi yaab'ak; jun aj puub' naxpik'a rib' rik'in li jun chik ut chi xkab'ichaleb' neke't'ane'k chiru ch'och'”.

Jeremías 46:24

Xutaanal te'kanaaq eb' laj Ejiipt naq te'q'axtesiiq sa' ruq'eb' li tenamit li wan chaq sa' xjayal releb'l iq'”.