Jeremías 46:2 - Q'eqchi Bible

² Jo'ka'in kixye chirix Ejiipt ut chirixeb' li xsoldaad laj Parahón Nekao xk'ab'a', li awab'ej re Ejiipt. Sa'eb' li kutan a'an li awab'ej re Babilonia kixq'ax ru laj Nekao aran Karkemix, chire li nima' Éwfrates, naq ak kaahib' chihab' rokik chi awab'ejink laj Johakín, ralal laj Josías, sa' xb'eeneb' laj Judá:

Li Santil hu

² Joꞌcaꞌin quixye li Ka̱cuaꞌ chirix li tenamit Egipto ut chirixeb lix soldado laj faraón Necao lix reyeb laj Egipto. Laj Nabucodonosor, lix reyeb laj Babilonia, quinumta saꞌ xbe̱n aran Carquemis chire li nimaꞌ Éufrates saꞌ li xca̱ chihab nak laj Joacim li ralal laj Josías cuan chokꞌ xreyeb laj Judá.

Jeremías 46:2 ပူးပေါင်းရင်းမြစ်များ

2 Reyes 23:29

Sa'eb' li kutan a'an laj Parahón Nekó, awab'ej re Ejiipt, koho sa' xjayal li nima' Éwfrates re xtenq'ankil li awab'ej re Asiria. Toja' naq li awab'ej Josías koho chi yalok rik'in, ab'anan naq laj Nekó kiril a'an, tikto kixkamsi sa' li na'ajej Mejido.

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Jeremías 45:1

A'an a'in li aatin kixye laj Jeremías re laj Baruk, ralal laj Nerías, naq a'in kixtz'iib'a sa' li b'otb'ookil hu chixjunil li kiyehe'k re, sa' li xka chihab' chi awab'ejink laj Johakín, ralal laj Josías, ut awab'ej re Judá:

Jeremías 36:1

Ak yo xka chihab' chi awab'ejink laj Johakín, ralal laj Josías, awab'ej re Judá, li Qaawa' kiraatina laj Jeremías ut kixye re:

Jeremías 25:19

Kink'e ajwi' chi ruk' laj Parahón, li awab'ej re Ejiipt, eb' laj k'anjel chiru, eb' li xninqal ru winq ut re chixjunil li tenamit.

Jeremías 25:1

Ak kaahib' chihab' rokik chi awab'ejink laj Johakín, ralal laj Josías, sa' xb'eeneb' laj Judá, ki'aatinak li Qaawa' rik'in laj Jeremías chirix li te'xk'ul eb' laj Judá. A'an kik'ulmank sa' li xb'een chihab' chi awab'ejink laj Nabukodonosor aran Babilonia.

Isaías 10:9

Juntaq'eeteb' li tenamit chiwu laa'in: Kalnó kama' ajwi' Karkemis, Jamat juntaq'eet rik'in Arpad, ut Samaria jo'kan ajwi' Damaask.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

2 Reyes 18:21

Nink'e reetal naq kaw aach'ool rik'ineb' laj Ejiipt chatenq'ankil. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

2 Reyes 23:33

Laj Johakás kichape'k xb'aan laj Nekó, awab'ej re Ejiipt, sa' li na'ajej Riblá, sa' xteepal Jamat, yal re naq ink'a' taa'awab'ejinq aran Jerusalén. Li Parahón kixteneb' sa' xb'een li tenamit xtojb'al oxlaju xka'k'aal kintal li plaat ut oxib' aroow li oor.

2 Reyes 24:7

Chalen sa' li kutan a'an li awab'ej re Ejiipt ink'a' chik ki'elk chi yalok, xb'aan naq li awab'ej re Babilonia ak reechanihom chixjunil li na'ajej chalen wan wi' li nima' re Ejiipt toj chire li nima' Éwfrates.

Jeremías 43:11

Taachalq ut tolxjuk' Ejiipt. Eb' li ak teneb'anb'il kamk sa' xb'eeneb', te'kamsiiq; eb' li tento te'isiiq sa' li xna'ajeb', te'isiiq; ut eb' li ak teneb'anb'il naq te'kamq sa' li raaxiik', sa' li raaxiik' te'kamq.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Isaías 19:19

Sa' li kutan a'an taawanq jun x'artal li Qaawa' aran Ejiipt ut, sa' xnub'ajlil li tenamit, taaxaqab'aaq jun li loq'laj pek re xk'eeb'al xloq'al li Qaawa'.