Jeremías 46:18 - Q'eqchi Bible

¹⁸ Laa'in li Qaawa', li Nimajwal Yos, li xnimal ru Awab'ej. Laa'in li yo'yookil Yos. Kama' li tzuul Tabor najt xteram sa' xyanqeb' li tzuul ut li tzuul Karmeel nawakliik sa' xb'een li palaw, jo'kanaq li xmetz'ew li winq taachalq sa' eeb'een.

Li Santil hu

¹⁸ La̱in li Ka̱cuaꞌ li nimajcual Dios. La̱in li tzꞌakal rey. La̱in li yoꞌyo̱quil Dios. Li jun li ta̱cha̱lk chi pletic e̱riqꞌuin chanchan li tzu̱l Tabor li najt xteram saꞌ xya̱nkeb li tzu̱l. Chanchan li tzu̱l Carmel li cuan chire li palau.

Jeremías 46:18 ပူးပေါင်းရင်းမြစ်များ

Jeremías 48:15

Chalk re li taasachoq re Mohab ut eb' li xtenamit; chixjunileb' li xsaajil aleb' te'k'ame'q chi kamk -chan li xnimal ru Awab'ej, a' li Nimajwal Yos naxk'ab'a'in-.

Jueces 4:6

Sa' jun kutan lix Débora kixtaqla xb'oqb'al laj Barak, ralal laj Abinohán, li wank rochoch aran Kadés re Neftalí, ut kixye re: “Ma ink'a' tab'i' li Qaawa', xYos eb' laj Israel, xye a'in aawe: «Ayu sa' li tzuul Tabor ut ch'utub'eb' lajeeb' mil chi winq sa' xyanqeb' laj Neftalí ut laj Sabulón.

Josué 19:22

Li xnub'ajl nawulak toj Tabor, Sajasín ut Bet-Semes, ut nokoxraqe'q sa' li nima' Jordán: waqlaju chi tenamit rochb'eeneb' xk'aleb'aaleb'.

Malaquías 1:14

Tz'eqtaananb'ilaq taxaq li nab'alaq'ik, a' li wank jun xchaab'il xul ut naxye naq tixq'axtesi we, ab'anan chirix chik a'an tixmayeja re li Qaawa' li yaj aj xul! Laa'in li Nimajwal Awab'ej, ut nak'eemank inloq'al sa' xyanqeb' li tenamit!”, chan li Qaawa', li Nimajwal Yos.

Isaías 48:2

Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Salmos 89:12

Aawe li choxach'och'; jo'ch'inal jo'nimal wank chisa' laa'at xatk'ojob'ank sa' xna'aj.

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

San Mateo 5:35

chi moko sa' xk'ab'a' li ruuchich'och', xb'aan naq a'an xna'aj li roq; chi moko sa' xk'ab'a' Jerusalén, xb'aan naq a'an xtenamit li xnimal ru Awab'ej.

Jeremías 51:17

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aan li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

Jeremías 44:26

Ab'anan ab'ihomaq li raatin li Qaawa', chejunilex laa'ex aj Judá li wankex Ejiipt: Laa'in, li Nimajwal Yos, ninye eere chi tz'aqal yaal naq maajun wa chik taapatz'manq link'ab'a' arin xb'aan junaq aj Judá; maajun chik tixye sa' xsutam Ejiipt: Sa' xk'ab'a' li Qaawa'!, cha'aq.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Josué 12:22

li awab'ej re Kadés, li awab'ej re Yoknehán, aran Karmelo,

Jeremías 51:57

Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Jueces 4:12

Naq laj Sísara kirab'i resil naq laj Barak, ralal laj Abinohán, ak xtaqe'k chaq sa' xb'een li tzuul Tabor,

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.