Jeremías 44:4 - Q'eqchi Bible

⁴ «Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

Li Santil hu

⁴ Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

Jeremías 44:4 ပူးပေါင်းရင်းမြစ်များ

Jeremías 26:5

chi moko teerab'i leeq'usb'al xb'aaneb' li propeet aj k'anjeleb' chiwu, li rajlal xintaqlaheb' eerik'in ab'an xetz'eqtaanaheb',

Jeremías 7:25

“Chalen naq ke'elk chaq leena' leeyuwa' sa' li tenamit Ejiipt toj anaqwan, rajlal xintaqla eerik'in eb' li propeet, laj k'anjeleb' chiwu.

Jeremías 7:13

Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Zacarías 7:7

Ma ink'a' jultik eere eb' li aatin xyehom chaq li Qaawa' chi xtz'uumal reheb' li propeet junxil, naq Jerusalén ut eb' li tenamit chi xsutam wankeb' chaq sa' tuqtuukilal ut k'ajo'eb' li xpoyanamil, ut li chaqich'och' re Nejeb ut li ru taq'a toj tenamiteb' chaq?»”.

Ezequiel 16:47

Ut laa'at kak'anasi li xmaa'usilaleb' chi numtajenaq wi' chik; chi moko rik'in a'an kik'ojlaak laach'ool, kaq'ax b'an chik ru li xb'aanuhomeb' a'an.

Ezequiel 8:10

Kin'ok ut kiwil eb' li k'iila paay chi reetalileb' li k'anti' ut k'a'aq chik xa'b'eetal aj xul tz'iib'anb'ileb' chiru li tz'ak: a'aneb' li xjalanil yoseb' laj Israel.

Jeremías 29:19

Xb'aan naq ink'a' xineepaab' naq xexinq'us chi xtz'uumal reheb' li propeet, aj k'anjeleb' chiwu, li naab'al sut xintaqla chaq eerik'in ut laa'ex ink'a' xeraj rab'inkileb'.

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

2 Crónicas 36:15

Ab'an li Qaawa', xYos li xxe'toonil yuwa'eb', jwal nim li xraab'al li xtenamit ut li xloq'laj muheb'aal: kiril xtoq'ob'aal ru li xtenamit ut chalen chaq sa' xtiklajik kixtaqla naab'aleb' li xtaql chi xk'eeb'al xna'leb'eb'.

1 Pedro 4:3

Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

Ezequiel 16:36

Laa'in, li Qaawa', ninye aawe chi jo'ka'in: Laa'at kat'usub' aawib' ut kak'ut laaxutaan chiruheb' li neke'rahink aawu jo'wi' chiru chixjunileb' laatz'i'b'eetalil yos. Kamayeja ajwi' eb' laawalal aak'ajol chiruheb' a'an.

Jeremías 35:17

«Jo'kan utan laa'in, li Nimajwal Yos, li xYos laj Israel, ninye chi jo'ka'in: Tintaqla chaq sa' xb'eeneb' laj Judá ut eb' laj Jerusalén chixjunil li rahilal inyehom chaq resil, xb'aan naq xe'waatina ut ink'a' xine'xpaab', xinb'oqeb' ut ink'a' xine'xsume»”.

Jeremías 32:33

Us ta maajun sut xinkanab' xtijb'aleb' ut xq'usb'aleb', ink'a' xe'xk'ul ru li xtzolb'aleb'; ut a' chik lintz'eqtaanankil xe'xb'aanu ruuchil lintaaqenkil,

Jeremías 32:34

toj reetal xe'xmux xsa' li ochoch nanimaak wi' link'ab'a' naq xe'xk'e aran eb' li tz'i'b'eetalil yos.

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Daniel 9:6

Ink'a' xoo'ab'ink chiruheb' li propeet, laj k'anjeleb' chawu, li xe'aatinank sa' laak'ab'a' eb' li awab'ej, eb' laj k'amol qab'e, eb' li qaxe' qatoon jo'wi' chixjunil li tenamit.

Nehemías 9:30

Chiru k'iila chihab' kakuyeb', kak'e xna'leb'eb' rik'in laamusiq' ut chi xtz'uumal reheb' laapropeet. Ab'an eb' a'an ink'a' ke'ab'ink; jo'kan naq kaq'axtesiheb' sa' ruq'eb' li tenamit wankeb' sa' ruuchich'och'.

Nehemías 9:34

Eb' li qa'awab'ej ut eb' laj k'amol qab'e, eb' laj tij ut eb' li qana' qayuwa' ink'a' ke'xpaab' laachaq'rab' chi moko ke'raj rab'inkil li kaye reheb' rik'ineb' laataqlahom ut laawaatin.

Jeremías 7:17

Ma ink'a' nakak'e reetal li neke'xb'aanu sa'eb' li tenamit sa' xteepal Judá ut sa'eb' li b'e re Jerusalén?

Jeremías 7:18

Eb' li alal k'ajolb'ej neke'k'amok chaq li si', eb' li yuwa'b'ej neke'tz'ab'ok li xam ut eb' li ixaqilb'ej neke'k'uub'ank re li k'uluj re xmayejankil chiru li jalanil yos, a' li xNa' li choxa neke'xye re. Neke'xchiq' ajwi' injosq'il naq neke'uk'ak sa' xk'ab'a'eb' li jalanil yos.

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?