Jeremías 44:3 - Q'eqchi Bible

³ xb'aan naq ke'xchiq' injosq'il rik'in li maa'usilal ke'xb'aanu, naq ke'ok chi xloq'oninkileb' li jalanil yos, li ink'a' xnawomeb' ru eb' a'an, chi moko laa'ex malaj eb' leexe'toonil yuwa'.

Li Santil hu

³ Xinba̱nu chi joꞌcan reheb xban li ma̱usilal queꞌxba̱nu. Queꞌxqꞌue injoskꞌil nak queꞌxcꞌat xpomeb ut queꞌxlokꞌoni li jalanil dios li incꞌaꞌ xeꞌxnau ru eb aꞌan, chi moco la̱ex, chi moco le̱ naꞌ e̱yucuaꞌ.

Jeremías 44:3 ပူးပေါင်းရင်းမြစ်များ

Deuteronomio 29:26

Koheb' chi xk'anjelankil ru eb' li jalanil yos ut ke'xwiq'ib' rib' chiruheb': a'eb' li yos ink'a' xnawomeb' ru ut ink'a' k'eeb'ileb' reheb' xb'aan li Qaawa'.

Deuteronomio 32:17

Ke'mayejak chiruheb' li maa'us aj musiq'ej, moko chiru ta li Yos: chiruheb' li yal k'oxlanb'il yos li ink'a' xnawomeb' ru junxil, ak'eb', tojo' xe'chalk, ink'a' loq'oninb'ileb' chaq xb'aaneb' li xna' xyuwa'eb'.

Deuteronomio 13:6

“Wi laawas aawiitz'in, li ralal laana' laayuwa', laawalal malaj ut laarab'in, laaraarookil ixaqil malaj ut laawamiiw li chanchan tz'aqal aawaanm, taaraj aab'alaq'inkil chi muqmu rik'in xyeeb'al aawe: «Yo'o, qaloq'oniiq ruheb' li jalanil yos», cha'aq, li ink'a' nakanaw ru laa'at chi moko eb' laana' ut laayuwa' xnawomeb' ru,

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

Nehemías 9:33

Laa'at tiik laach'ool ut paab'ajelat sa' chixjunil li kichalk sa' qab'een, a'ut laa'o koomaakob'k.

Ezequiel 9:9

Li Qaawa' kichaq'ok ut kixye we: “Q'axal numtajenaq li xmaakeb' laj Israel ut eb' laj Judá. Nujenaq chi kamenaq chixjunil li tenamit; maak'a' chik tiikilal aran Jerusalén. Sa' xch'ooleb' a'an naq xinkanab' xjunes li tenamit ut ink'a' nawil li k'aru yookeb' chi xb'aanunkil.

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Lamentaciones 1:8

Q'axal xmaakob'k li tenamit Jerusalén, jo'kan naq xk'ulub' li tz'eqtaanaak. Jo'k'ihaleb' li xe'k'ehok xloq'al junxil, anaqwan neke'xtz'eqtaana, xb'aan naq xe'ril chi t'ust'u. Jo'kan naq nayaab'ak ut naxmuq rib' xb'aan xxutaan.

Jeremías 22:9

Ut te'sumeeq chi jo'ka'in: «Xb'aan naq xe'xsach xwankil li Sumwank li kixk'ojob' li Qaawa', li xYoseb', ut xe'ok chi xloq'oninkileb' li jalanil yos»”.

Jeremías 11:17

Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.

Jeremías 7:19

Ma laa'in tab'i' yookeb' chinmajewankil? Ma ink'a' tab'i' a'aneb' ajwi' neke'xmajewa rib' ut chi jo'kan neke'xk'ut xxutaaneb'?

Jeremías 5:29

Ma ink'a' tab'i' tinraqoq aatin chirix chixjunil a'an? Ma ink'a' tink'e reeqaj a'an re li tenamit a'in li jo'kan neke'xb'aanu?

Jeremías 5:19

Ut naq te'xpatz' aawe: «K'a'ut naq li Qaawa' xb'aanu qe chixjunil a'in?», taaye reheb': «Jo' naq laa'ex xekanab' li Qaawa' re k'anjelak chiruheb' li jalanil yos sa' leena'aj, jo'kan ajwi' naq texk'anjelaq chiruheb' laj ab'l poyanam, sa' li na'ajej moko eere ta».

Hebreos 3:16

Aniheb' li ke'ab'ink re ut ke'q'etok li aatin? Ma ink'a' tab'i' chixjunileb' li ke'elk chaq Ejiipt chirix laj Moisés?

Isaías 3:8

Relik chi yaal naq yo chi sache'k Jerusalén ut juk'b'il chik Judá, xb'aan naq ink'a' us li xyehom xb'aanuhomeb'; xik' neke'ril li Qaawa' ut xe'xchiq' xjosq'il li Yos.

Jeremías 32:30

Chalen chaq sa' xtiklajik, eb' laj Israel jo'wi' eb' laj Judá junes maa'usilal neke'xb'aanu; eb' li ralal xk'ajol laj Israel junes xyoob'ankil injosq'il neke'xb'aanu rik'in xyiib'ankil li xjalanil yoseb' -chan li Qaawa'-.

Jeremías 44:23

Chixjunil li rahilal li yookex chi xk'ulb'al chiruheb' li kutan a'in, xchalk sa' eeb'een xb'aan naq xexmayejank k'ajpom chiruheb' li jalanil yos, xexmaakob'k chiru li Qaawa' ut ink'a' xex'ab'ink chiru, chi moko xexwank jo' naxye li raatin, li xtaqlahom ut li xchaq'rab'”.

Deuteronomio 29:25

Ut taayeemanq reheb': «Xb'aan naq ke'xq'et li Sumwank kixb'aanu li Qaawa', a' li xYos eb' li xxe'toonil yuwa'eb', naq kirisiheb' chaq sa' li tenamit Ejiipt.

Jeremías 16:10

“Naq taaseeraq'i chixjunil a'in reheb' li tenamit, te'xpatz' aawe: «K'a'ut naq li Qaawa' xtaqla chaq sa' qab'een li nimla rahilal a'in? K'aru li ink'a' us xqab'aanu? K'aru xqamaakon chiru li Qaawa' li qaYos?».

Jeremías 29:19

Xb'aan naq ink'a' xineepaab' naq xexinq'us chi xtz'uumal reheb' li propeet, aj k'anjeleb' chiwu, li naab'al sut xintaqla chaq eerik'in ut laa'ex ink'a' xeraj rab'inkileb'.