Jeremías 43:9 - Q'eqchi Bible

⁹ “Xok wiib' oxib'aq ninqi pek ut ch'ikeb' sa' ch'och', chiruheb' laj Judá, sa' rokeb'aal li rochoch laj Parahón, arin Tafnes;

Li Santil hu

⁹ —Chap coꞌxibak li ni̱nki pec ut chiruheb laj judío ta̱mukeb saꞌ chꞌochꞌ, li seb ru, li cuan chiru li oqueba̱l re li rochoch laj faraón aran Tafnes.

Jeremías 43:9 ပူးပေါင်းရင်းမြစ်များ

Apocalipsis 18:21

Toja' naq jun li ánjel kaw rib' kixchap jun li pek k'ajo' xnimal, jo' jun nimla sursuukil ke'leb' pek, ut kixkut sa' palaw, yo chi xyeeb'al: “Jo'ka'in, sa' jun chiq'ok ajwi' naq taakute'q li nimla tenamit Babilonia, ut ink'a' chik taak'utunq.

Hechos 21:11

A'an kijilok chi qak'atq, kixchap li xk'aamal xsa' laj Pablo ut kixb'ak' rib' jo' li roq ut li ruq'; toja' naq kixye: —A'in naxye li Santil Musiq'ej: Jo'ka'in naq taab'ak'iiq li winq aj eechal re li k'aamalsa' a'in xb'aaneb' laj Judiiy aran Jerusalén, ut taaq'axtesiiq sa' ruq'eb' li junch'ol chik.

Nahum 3:14

K'uula aaha' re naq wanq aawuk'a' naq sutsuuqat; kawub'resi eb' laasuttz'ak, puq' wi' chik li seb' ut yiib' aaxan.

Oseas 12:10

Laa'in kin'aatinak rik'ineb' li propeet, k'iila sut kiwaatinaheb' sa' moy u, ut sa' jaljookil ru aatin kexwaatina chi xtz'uumal reheb' a'an.

Ezequiel 4:1

“At kaamel winq, xok jun perelaq li xan, ut tz'iib'a chiru li reetalil li tenamit Jerusalén.

2 Samuel 12:31

ut eb' li poyanam li toj wankeb' aran, kirisiheb' ut kixk'eheb' chi jachok che', chi isink pek, chi yok'ok che' ut chi yiib'ank xan. Jo'kan ajwi' kixb'aanu rik'in chixjunileb' li xtenamiteb' aj Amón. Chirix chik a'an kisutq'iik Jerusalén rochb'een chixjunileb' laj puub'.

Éxodo 1:14

ut ke'xrahob'tesiheb' rik'in kawil k'anjel chi b'eelank seb', yiib'ank xan ut rik'in yalaq k'a' chi k'anjelil na'uxmank sa' k'aleb'aal. Chixjunil li k'anjel a'in ke'xb'aanu eb' laj Israel chi q'axal rahob'tesinb'ileb' ut minb'ileb' ru.

Jeremías 43:8

Aran li Qaawa' kiraatina laj Jeremías ut kixye re:

Jeremías 43:10

ut ye reheb': «Li Nimajwal Yos, li xYos laj Israel, xye chi jo'ka'in: Laa'in tintaqla chaq laj Nabukodonosor, laj k'anjel chiwu ut awab'ej re Babilonia, ut tink'ojob' li xk'ojarib'aal ut li xmuheb'aal sa' xb'eeneb' li pek a'in li xinch'ik sa' ch'och'.

Jeremías 44:30

Laa'in tinq'axtesi laj Parahón Hofra xk'ab'a', li awab'ej re Ejiipt, sa' ruq'eb' li xik' neke'ilok re, li te'ajoq xkamsinkil. Jo' naq kinq'axtesi laj Sedesías, li awab'ej re Judá, sa' ruq' li xik' na'ilok re, a' laj Nabukodonosor, li awab'ej re Babilonia, jo'kan ajwi' tinb'aanu re laj Hofra»”.

Jeremías 25:19

Kink'e ajwi' chi ruk' laj Parahón, li awab'ej re Ejiipt, eb' laj k'anjel chiru, eb' li xninqal ru winq ut re chixjunil li tenamit.