Jeremías 43:13 - Q'eqchi Bible

¹³ Tixputz'i eb' li xninqal pek li wankeb' Bet-Semes, sa' xteepal Ejiipt, ut tixk'ateb' li rochochil li xyoseb' laj Ejiipt»”.

Li Santil hu

¹³ Ut lix reyeb laj Babilonia tixjuqꞌueb lix jalam u̱ch lix dioseb Bet-semes li cuanqueb aran Egipto. Ut tixcꞌateb li cab li nequeꞌxlokꞌoni cuiꞌ lix dioseb, chan.

Jeremías 43:13 ပူးပေါင်းရင်းမြစ်များ

Isaías 19:18

Sa' ajwi' li kutan a'an oob' reheb' li tenamit sa' xteepal Ejiipt te'aatinaq jo'eb' laj Kanahán ut te'xye xjurament sa' xk'ab'a' li Qaawa', li Nimajwal Yos; ut jun reheb' li tenamit a'an tixk'ab'a'in: “Xtenamit li Saq'e”.

Génesis 41:45

Laj Parahón kixk'e aj Safnat-Panéhaj cho'q xk'ab'a' laj José, ut cho'q rixaqil kixk'e lix Asnat, xrab'in laj Poti Fera, aj tij aran On. Jo'ka'in naq laj José kixaqab'aak xwankil sa' xb'een li tenamit Ejiipt.

Isaías 46:2

Xe'eek'ank sa' xna'ajeb' ut xe't'ane'k chiru ch'och' chi xkab'ichaleb': ink'a' chik xe'ruuk chi wakliik, ut eb' a'an ajwi' xe'k'ame'k sa' jalanil tenamit.

Jeremías 43:12

Tixk'ateb' li rochochil li xyoseb' laj Ejiipt; tixk'ateb' ajwi' eb' li yos malaj ut tixk'ameb' chirix. Tixch'iile li tenamit Ejiipt, jo' laj ilol ketomq naxch'iile ru li raq', ut chirix chik a'an taaxik jo' junaq li xq'axok u.

Jeremías 44:1

A'an a'in li kiyehe'k re laj Jeremías chirixeb' laj Judiiy li wankeb' chaq Ejiipt, sa'eb' li tenamit re Mikdol, Tafnes, Menfis ut li wankatqeb' chaq sa' xteepal Patros:

Jeremías 46:25

Jo'ka'in kixye li Nimajwal Yos, li xYos laj Israel: “Tink'e chi xtojb'al xmaak laj Amón, li xyos li tenamit Tebas; tinrahob'tesi ajwi' eb' laj Ejiipt rochb'eeneb' li xyos ut eb' li awab'ej, jo'wi' laj Parahón ut eb' li neke'xk'ojob' xch'ooleb' chirix.

Ezequiel 26:11

Eb' li kawaay te'xjuluxi chixjunileb' laab'e; eb' laapoyanam te'kamsiiq chi ch'iich' ut te'rume'q chi ch'och' eb' laaninqi oqech.

Daniel 11:8

Tixk'am Ejiipt eb' li xyos, eb' li xjalam u ut li k'a'aq re ru yiib'anb'il rik'in oor ut plaat, ut ink'a' najt te'wanq sa' tuqtuukil usilal.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Jeremías 25:19

Kink'e ajwi' chi ruk' laj Parahón, li awab'ej re Ejiipt, eb' laj k'anjel chiru, eb' li xninqal ru winq ut re chixjunil li tenamit.

Ezequiel 30:13

“Laa'in, li Qaawa', ninye chi jo'ka'in: Tinjuk'i eb' li xjalam u li jalanil yos ut tinsach ruheb' li b'alaq'il yos re Menfis. Maajoq'e chik taawanq junaq li taa'awab'ejinq re Ejiipt, ut xiwajel tinkanab' li tenamit a'an.

Ezequiel 30:17

Eb' li saaj al aj On ut aj Bubastis te'kamsiiq chi ch'iich' ut chixjunileb' li poyanam te'k'ame'q chi preexil.