Jeremías 43:12 - Q'eqchi Bible

¹² Tixk'ateb' li rochochil li xyoseb' laj Ejiipt; tixk'ateb' ajwi' eb' li yos malaj ut tixk'ameb' chirix. Tixch'iile li tenamit Ejiipt, jo' laj ilol ketomq naxch'iile ru li raq', ut chirix chik a'an taaxik jo' junaq li xq'axok u.

Li Santil hu

¹² Tixloch xxamlel li rochocheb lix dioseb laj Egipto. Tixcꞌateb li dioseb malaj ut tixcꞌameb. Tixsabesi li tenamit Egipto joꞌ nak naxsabesi li rakꞌ junak aj ilol xul. Ut chirix aꞌan ta̱e̱lk saꞌ li tenamit aꞌan chi ma̱cꞌaꞌ tixcꞌul.

Jeremías 43:12 ပူးပေါင်းရင်းမြစ်များ

Ezequiel 30:13

“Laa'in, li Qaawa', ninye chi jo'ka'in: Tinjuk'i eb' li xjalam u li jalanil yos ut tinsach ruheb' li b'alaq'il yos re Menfis. Maajoq'e chik taawanq junaq li taa'awab'ejinq re Ejiipt, ut xiwajel tinkanab' li tenamit a'an.

Isaías 49:18

Taqsi laawilob'aal ut ilon chasutam: chixjunileb' a'in yookeb' chi ch'utlaak ut xe'sutq'iik chaq wi' chik aawik'in. “Laa'in li Qaawa' ninye injurament naq chixjunileb' a'in chanchanaqeb' junaq lemtz'il q'ol, jo'kaqeb' li xsahob' ru junaq tuq'ixq ok re chi sumlaak.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Jeremías 48:7

“At Mohab, laa'at xak'ojob' laach'ool rik'in laab'ihomal ut laab'aanuhom, ab'anan tat-eechaniiq ajwi' laa'at. Laj Kamós, laayos, taak'ame'q chi preexil rochb'eeneb' laj tij ut li xninqaleb' ru winq.

Jeremías 46:25

Jo'ka'in kixye li Nimajwal Yos, li xYos laj Israel: “Tink'e chi xtojb'al xmaak laj Amón, li xyos li tenamit Tebas; tinrahob'tesi ajwi' eb' laj Ejiipt rochb'eeneb' li xyos ut eb' li awab'ej, jo'wi' laj Parahón ut eb' li neke'xk'ojob' xch'ooleb' chirix.

Salmos 104:2

ut sutsuukat xb'aan li kutan saqenk. Kahel li choxa kama' nahelmank junaq t'ikr,

Li xHu LAJ JOB 40:10

Wi ta jo'kan, k'ut chiwu laawankilal ut li xnimal laaloq'al.

Ester 6:9

Taaq'axtesimanq li chaab'il aq'ej ut li kawaay re junaq xnimal ru aj k'anjel, re naq tixtiqib' li winq li taak'ehe'q xloq'al xb'aan li awab'ej, ut tixb'eresi li kawaay sa' li k'ayiil, sa' li tenamit, japjo'q re chi xyeeb'al: «Jo'ka'in na'uxmank re li winq nak'ehe'k xloq'al xb'aan li awab'ej»”.

2 Samuel 5:21

Aran eb' laj Filistea ke'xkanab'eb' li xyoseb', ut laj David ut eb' li wankeb' rochb'een ke'xk'ameb'.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Colosenses 3:14

Ut sa' xb'een chixjunil a'in, tiqib'omaq eerib' rik'in li rahok, a'an li naxk'ul wi' rib' li tz'aqalil e u.

Colosenses 3:12

Li Yos q'axal nekexra ut kixsik' eeru re naq santaqex. Tiqib'omaq b'i' eerib' rik'in xnimal uxtaanal, rik'in li usilal, li tuulanil, kub'enaqaq eewankil ut nimaq eekuyum.

Efesios 6:11

Tiqib'omaq eerib' rik'in chixjunil li xk'anjelob'aal li Yos re naq xaqxooqex chi kaw chiru leeraalenkil xb'aan laj tza.

Efesios 4:24

ut tiqtooqex rik'in li Ak' Winq yoob'tesinb'il jo' xjalam u li Yos, sa' li tiikilal ut santilal li nachalk sa' xk'ab'a' li yaal.

Romanos 13:12

Li q'oqyink ak yo chi nume'k ut li kutan we' chaq. Qatz'eqaq b'i' xk'anjel li aak'ab' ut qatiqib'aq qib' rik'ineb' xk'anjelob'aal li kutan saqenk.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Isaías 61:5

Eb' laj ab'l poyanam tole'xch'oolaniheb' leeketomq, eb' li jalaneb' xtenamit te'k'anjelaq cheru ut te'xxok ruheb' leerawimq.

Isaías 59:17

Xk'e li tiikil ch'oolej cho'q koleb' ch'iich', ut li kolb'a ib' cho'q xpunit ch'iich'; xtiqib' rib' rik'in li eeqajunk jo' junaq xjut-aq', ut xk'e li xjosq'il chirix jo' xb'aatal.

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Isaías 46:1

Li yos Bel ut li yos Nebo neke'tuuyank ut xe't'ane'k chiru ch'och'. Eb' li yos a'in neke'iiqaak xb'aaneb' li b'uur; k'amb'ileb' jo'eb' li iiq chirixeb' li tawajenaqeb' xul.

Isaías 21:9

We' chaq jun li b'eleb'aal ch'iich' kelonb'il chaq xb'aan jun sumal chi kawaay”, chan. Toja' naq jun chik li winq kixye: “X'oso'k, x'oso'k li tenamit Babilonia. Ut chixjunileb' li xjalam u li xyoseb' xlaje'puk'iik chiru ch'och'”, chan.

Salmos 132:18

Xutaanal teb'inkanab' li xik' neke'ilok re; a'ut a'an taalemtz'unq li xkoroon chi junelik”.

Salmos 132:16

Tintiqib' eb' laj tij rik'in kolb'a ib'; k'ajo' naq te'xjap re laj paab'anel xb'aan xsahilaleb' xch'ool.

Isaías 46:2

Xe'eek'ank sa' xna'ajeb' ut xe't'ane'k chiru ch'och' chi xkab'ichaleb': ink'a' chik xe'ruuk chi wakliik, ut eb' a'an ajwi' xe'k'ame'k sa' jalanil tenamit.

Jeremías 43:13

Tixputz'i eb' li xninqal pek li wankeb' Bet-Semes, sa' xteepal Ejiipt, ut tixk'ateb' li rochochil li xyoseb' laj Ejiipt»”.

Jeremías 49:27

Laa'in tink'e xxamlel eb' li xsuttz'akil Damaask ut te'oso'q eb' li ch'ina'usil ochoch re Ben-Adad”.

Ezequiel 29:11

Maajun chik taanume'q aran, chi moko poyanam chi moko xul. Chiru ka'k'aal chihab' maak'a' taawanq aran.

Daniel 11:8

Tixk'am Ejiipt eb' li xyos, eb' li xjalam u ut li k'a'aq re ru yiib'anb'il rik'in oor ut plaat, ut ink'a' najt te'wanq sa' tuqtuukil usilal.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Jeremías 25:19

Kink'e ajwi' chi ruk' laj Parahón, li awab'ej re Ejiipt, eb' laj k'anjel chiru, eb' li xninqal ru winq ut re chixjunil li tenamit.

Ezequiel 29:19

Jo'kan naq laa'in, li Qaawa', ninye chi jo'ka'in: Tinq'axtesi li tenamit Ejiipt sa' ruq' laj Nabukodonosor, li awab'ej re Babilonia. A'an tixmaq' chixjunil li xb'ihomaleb' ut taareechani li jo'ch'inal jo'nimal wankeb' re; ut rik'in li k'aru taarelq'a, tixtojeb' li xsoldaad.