Jeremías 43:11 - Q'eqchi Bible

¹¹ Taachalq ut tolxjuk' Ejiipt. Eb' li ak teneb'anb'il kamk sa' xb'eeneb', te'kamsiiq; eb' li tento te'isiiq sa' li xna'ajeb', te'isiiq; ut eb' li ak teneb'anb'il naq te'kamq sa' li raaxiik', sa' li raaxiik' te'kamq.

Li Santil hu

¹¹ Laj Nabucodonosor ta̱cha̱lk chi pletic riqꞌuineb laj Egipto. Ut li ac tenebanbil ca̱mc saꞌ xbe̱neb teꞌca̱mk. Li ac tenebanbil saꞌ xbe̱neb cꞌamecꞌ chi pre̱xil, teꞌcꞌamekꞌ. Li ac tenebanbil ca̱mc saꞌ xbe̱neb saꞌ li ple̱t, saꞌ li ple̱t ajcuiꞌ teꞌca̱mk.

Jeremías 43:11 ပူးပေါင်းရင်းမြစ်များ

Jeremías 44:13

Laa'in tinrahob'tesiheb' li wankeb' chaq Ejiipt jo' naq kinrahob'tesiheb' laj Jerusalén, rik'in raaxiik', we'ej ut raxkamk.

Jeremías 15:2

Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Zacarías 11:9

Ut kinye reheb' li karneer: “Moko laa'in ta chik tin'iloq eere. Li tento taakamq, kamkaq; li tento taasachq, chisachqaq. Ut eb' li te'kole'q, xtiwaqeb' rib' chirib'ileb' rib'”.

Jeremías 25:19

Kink'e ajwi' chi ruk' laj Parahón, li awab'ej re Ejiipt, eb' laj k'anjel chiru, eb' li xninqal ru winq ut re chixjunil li tenamit.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Li xHu LAJ JOB 20:29

A'an a'in k'uub'k'u ru xb'aan li Yos cho'q reheb' li yib'ru xna'leb'eb'; a'an a'in kixye li Qaawa' naq te'xk'ul laj b'aanuhom maa'usilal.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Jeremías 25:15

Li Qaawa', li xYos laj Israel, kixye we: “K'ul li sek' a'in, nujenaq chi b'iin, reetalil linjosq'il, ut k'e chi ruk'eb' chixjunileb' li tenamit b'arwi' tatintaqla.

Jeremías 42:22

Jo'kan utan, chenawaq chi us naq texkamq xb'aan li raaxiik', li we'ej ut li raxkamk, yalaq b'ar teeraj wi' na'ajunk”.

Ezequiel 29:11

Maajun chik taanume'q aran, chi moko poyanam chi moko xul. Chiru ka'k'aal chihab' maak'a' taawanq aran.

Jeremías 44:12

Ut eb' laj Judá li xe'xk'e xch'ool chi xik chi na'ajunk Ejiipt, aran te'oso'q chixjunileb'. Te'kamsiiq sa' li raaxiik' ut xb'aan li we'ej: jo' kok' jo' ninq te'kamq chixjunileb' xb'aan li q'esnal ch'iich' ut li we'ej. Te'majewaaq ut te'kanaaq cho'q se'leb'aal; xiwajelaq ut xutaanalaq rilb'aleb'.