Jeremías 42:5 - Q'eqchi Bible

⁵ Toja' naq eb' a'an ke'xye re laj Jeremías: “Li Qaawa' laaYos a'an tiik xch'ool, ut a'an chikanaaq cho'q testiiw chiqix laa'o wi ink'a' tqapaab' li tixk'e chiqab'aanu.

Li Santil hu

⁵ Ut queꞌxye re laj Jeremías: —Aꞌ taxak li Ka̱cuaꞌ li kaDios ta̱rakok a̱tin saꞌ kabe̱n riqꞌuin xti̱quilal cui incꞌaꞌ takaba̱nu li cꞌaꞌru tixye a̱cue li Ka̱cuaꞌ li kaDios.

Jeremías 42:5 ပူးပေါင်းရင်းမြစ်များ

Génesis 31:50

Wi laa'at taarahob'tesiheb' linrab'in, wi taak'am jalaneb' chik ixq chirixeb' a'in, us ta maajun yooq chi qilb'al, a' taxaq li Yos chiyehoq li yaal chiqix qakab'ichal”.

Jueces 11:10

Ke'xye li xcheekelaleb' Galahad: “Li Qaawa' a'anaq testiiw sa' qayanq. Rahilal chaalel sa' qab'een wi ink'a' taaqab'aanu chixjunil li xaye!”, chankeb'.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Malaquías 2:14

Ut chirix a'an toj nekeye: “K'a'ut naq ink'a' naxk'ul qamayej li Qaawa'?”, chankex. A'in nak'ulmank xb'aan naq li Qaawa' jultik re li aatin kaye re laawixaqil katsumlaak wi' sa' laasaajilal, ut anaqwan xab'alaq'i. A'an tz'aqal laawochb'een, laasum'aatin li kayeechi'i wi' laasumwanjik!

Miqueas 1:2

Chejunilex li tenamit, ab'ihomaq li aatin a'in; chex'ab'inq chejunilex li wankex sa' li ruuchich'och'. Li Qaawa' taa'aatinaq chirix leemaak toj sa' chaq li xsantil ochoch.

Romanos 1:9

Naxnaw li Yos, li ninloq'oni chi anchal li waanm rik'in xpuktesinkil li xChaab'il Esil li Ralal, naq ink'a' ninkanab' eepatz'b'al sa' lintij.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.

1 Samuel 20:42

Toja' naq laj Jonatán kixye: “Ayu sa' tuqtuukil usilal, xb'aan naq qakab'ichal xqaye sa' xk'ab'a' li Qaawa' naq A'an chiwanq taxaq chi junelik sa' qayanq jo'wi' sa' xyanqeb' li qalal qak'ajol”. Moqon kixaqliik laj David ut koho, ut laj Jonatán kisutq'iik wi' chik sa' li tenamit.

1 Samuel 12:5

“Ch'olch'o chiru li Qaawa' ut chiru li awab'ej sik'b'il ru xb'aan, naq maajun linmaak xetaw laa'ex sa' li kutan a'in”, chan laj Samuel. Ut eb' a'an ke'xye: “Ch'olch'o ru”.

Éxodo 20:19

“Aatinan laa'at qik'in ut tatqab'i; ab'an mooraatina li Yos: mare anchal tookamq”, chankeb' re laj Moisés.

Éxodo 20:7

“Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Jeremías 43:2

laj Asarías, ralal laj Hosaías, ut laj Jwan, ralal laj Kareha, rochb'eeneb' li winq jwal q'etq'eteb', ke'xye re laj Jeremías: “Tik'ti' li yookat chi xyeeb'al qe. Li Qaawa', li qaYos, ink'a' xatxtaqla chaq xyeeb'al qe naq ink'a' tooxik chi wank Ejiipt.

Jeremías 43:4

Ut chixjunileb' ke'xq'et li raatin li Qaawa'. Maajun kikanaak sa' xteepal Judá, chi moko laj Jwan, ralal laj Kareha, chi moko eb' li xjolomileb' laj puub'.

Jeremías 42:20

Yookex chi xb'alaq'inkil eerib' eejunes, xb'aan naq laa'ex ajwi' xexyehok we: «Tijon chiqix chiru li Qaawa' laaYos, re naq tixk'ut chiqu li b'e tooxik wi' ut k'aru li tqab'aanu».