Jeremías 42:19 - Q'eqchi Bible

¹⁹ Laa'ex li toj wankex Judá, li Qaawa' naxye eere naq mexxik Ejiipt. K'ehomaq reetal, laa'in yookin chi xyeeb'al xyaalal eere anaqwan.

Li Santil hu

¹⁹ La̱ex aj Judá, li incꞌaꞌ quisacheꞌ e̱ru, li Ka̱cuaꞌ xye nak incꞌaꞌ texxic Egipto. La̱in ninye xya̱lal e̱re anakcuan. Checꞌoxlak chi us cꞌaꞌru te̱ba̱nu.

Jeremías 42:19 ပူးပေါင်းရင်းမြစ်များ

Deuteronomio 17:16

Ab'anan li awab'ej a'an ink'a' tixloq' naab'aleb' li xkawaay, chi moko tixtaqlaheb' li rech tenamitul aran Ejiipt re xk'ihob'resinkileb' li xkawaay, xb'aan naq li Qaawa' ak xyehom eere: «Maajun wa chik texsutq'iiq sa' li b'e a'in», chan.

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

1 Ts 4:6

Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

Hechos 2:40

Ut rik'in k'iila aatin kixch'olob' xyaalal ut kixk'eheb' xna'leb': —Kolomaq eerib' chiruheb' li tenamit a'in ink'a' useb' xch'ool, chan.

Ezequiel 17:15

«Ab'an li xnimal ru winq a'an kixq'et li aatin yeeb'il re li awab'ej re Babilonia ut kixtaqlaheb' xtaql aran Ejiipt chi xsik'b'aleb' li kawaay ut naab'al chi aj puub'. Ma taa'usaaq li xb'aanunk chi jo'kan? Ma taakole'q li xq'etok aatin?

Ezequiel 3:21

Ab'anan, wi xaq'us li winq a'an re naq ink'a' taamaakob'q, ut a'an tixpaab' laawaatin, relik chi yaal naq taakole'q, ut xakol ajwi' laayu'am laa'at”.

Ezequiel 2:5

Ut a' yaal reheb' ma tate'xpaab' malaj ink'a', xb'aan naq jwal q'etq'eteb', te'xnaw naq wank jun propeet sa' xyanqeb'.

Jeremías 38:21

Ab'an wi ink'a' taaq'axtesi aawib', a'an a'in li xk'utb'esi chiwu li Qaawa':

2 Crónicas 24:19

Li Qaawa' kixtaqlaheb' propeet rik'ineb', re naq te'xyot' xch'ool te'xjal xk'a'uxl ut te'sutq'iiq wi' chik rik'in li Yos; ab'anan ink'a' ke'raj xpaab'ankil.

Deuteronomio 31:21

Ab'anan naq toxe'tawe'q xb'aan li k'iila rahilal ut ch'a'ajkilal, li b'ich a'in tixch'olob' xyaalal li xmaakeb', xb'aan naq ink'a' taasachq sa' xch'ooleb' li ralal xk'ajol ut taab'ichamanq chi junelik. Ninnaw chi us k'aru yookeb' chi xk'uub'ankil anaqwan, toj chi rub'eetal naq te'woksi sa' li ch'och' inyeechi'om reheb'”, chan.

Números 14:3

K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

Isaías 21:12

Ut laj k'aak'alenel kixye: “Ak saqewk re, ab'anan chalk wi' chik re li q'oqyink. Wi teeraj patz'ok, patz'onqex, ab'an sutq'inqex chaq wi' chik”.