Jeremías 42:18 - Q'eqchi Bible

¹⁸ “Jo'ka'in xye li Nimajwal Yos, li xYos laj Israel: «Jo' naq xink'ut linjosq'il chiruheb' laj Jerusalén, jo'kan ajwi' naq taachalq linjosq'il sa' eeb'een wi texxik Ejiipt. Texmajewaaq, texse'eeq, tex'eetz'uuq ut xutaanalaqex yalaq b'ar, ut ink'a' chik teeril li na'ajej a'in».

Li Santil hu

¹⁸ Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 42:18 ပူးပေါင်းရင်းမြစ်များ

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 29:18

Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Jeremías 44:12

Ut eb' laj Judá li xe'xk'e xch'ool chi xik chi na'ajunk Ejiipt, aran te'oso'q chixjunileb'. Te'kamsiiq sa' li raaxiik' ut xb'aan li we'ej: jo' kok' jo' ninq te'kamq chixjunileb' xb'aan li q'esnal ch'iich' ut li we'ej. Te'majewaaq ut te'kanaaq cho'q se'leb'aal; xiwajelaq ut xutaanalaq rilb'aleb'.

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Jeremías 22:27

Ink'a' chik texsutq'iiq chaq sa' li tenamit li naxik wi' leech'ool”, chan li Qaawa'.

Isaías 65:15

“Eb' li sik'b'il ru inb'aan te'roksi leek'ab'a' re majewank ut re xyeeb'al reheb' li jalan chik: «Chi jo'ka'in tatxk'e chi kamk li Qaawa' Yos!», cha'qeb'. Ab'an eb' laj k'anjel chiwu tink'e reheb' jun ak' k'ab'a'ej.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Ezequiel 22:22

Jo' naq naha'lesiik li plaat sa' li chiqleb'aal, jo'kan ajwi' naq tex'oso'q laa'ex sa' li tenamit, ut teenaw naq laa'in, li Qaawa', xwisi linjosq'il sa' eeb'een”.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Lamentaciones 2:4

Jo' junaq aj xik'il uuchinel xteleb' li xsimaj ut xk'ut xkawilal li xtel. Jo' junaq aj sachonel kilajxsach chixjunil li ch'ina'us rilb'al. Jo' junaq xam xkut li xjosq'il sa' xb'eeneb' li xmuheb'aal Sión.

Jeremías 29:22

Ut naq chixjunileb' li xe'isiik sa' xteepal Judá ut wankeb' chaq Babilonia te'ok chi majewank, te'xye: Li Qaawa' chixb'aanu taxaq aawe jo' kixb'aanu re laj Sedesías ut laj Ajab, li ke'chinaak sa' ru xam xb'aan li awab'ej re Babilonia, cha'qeb'.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

2 Crónicas 34:25

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Números 5:27

“Wi li ixq xmux rib' ut relik chi yaal xb'alaq'i li xb'eelom, naq taaruk' li xha'el li majewank, taasipooq li xsa' ut ink'a' chik taaruk' li xha'el li majewank, taasipooq li xsa' ut ink'a' chik taa'alanq, ut majewanb'ilaq sa' xyanqeb' li xtenamit.

Isaías 30:3

Ab'an li xkawilal leech'ool rik'in laj Parahón taak'ehoq eere sa' xutaan ut li xtenq'aaleb' laj Ejiipt taasachoq leech'ool.

Jeremías 23:40

Texinkanab' sa' xutaan chi junwaakaj li maajun taasachq sa' xch'ool»”.

Jeremías 44:6

Jo'kan naq kilochk xxamlel linjosq'il ut q'axal kinjosq'o'k sa' xb'eeneb' li tenamit re Judá ut sa'atqeb' li b'e re Jerusalén. Ke'juk'mank ut nakirirnak ke'kanaak chalen toj anaqwan.

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Ezequiel 20:34

Texwisi sa' xyanqeb' li tenamit b'arwi' cha'cha'inb'ilex ut texinch'utub' rik'in xnimal inwankil ut sa' josq'il.

Lamentaciones 2:6

Jo' junaq aj elq' xweqi li xloq'laj ochoch ut kok'putz' xkanab' li na'ajej na'uxk wi' ch'utlaak. Ink'a' chik na'uxk ninq'ehik aran Sión chi moko neke'roxloq'i li sábado. Sa' xxamlel li xjosq'il li Qaawa' xk'e chi sache'k li awab'ej ut eb' laj tij.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.